وَعَنْ أَبِي سَعِيدٍ الْخُدْرِيِّ عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: " يَقُولُ اللَّهُ تَعَالَى: يَا آدَمُ فَيَقُولُ: لَبَّيْكَ وَسَعْدَيْكَ وَالْخَيْرُ كُلُّهُ فِي يَدَيْكَ. قَالَ: أَخْرِجْ بَعْثَ النَّارِ. قَالَ: وَمَا بَعْثُ النَّارِ؟ قَالَ: مِنْ كُلِّ أَلْفٍ تِسْعَمِائَةٍ وَتِسْعَةً وَتِسْعِينَ فَعِنْدَهُ يَشِيبُ الصَّغِيرُ (وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُمْ بِسُكَارَى وَلَكِنَّ عَذَابَ اللَّهِ شديدٌ) قَالُوا: يَا رَسُولَ اللَّهِ وَأَيُّنَا ذَلِكَ الْوَاحِدُ؟ قَالَ: «أَبْشِرُوا فَإِنَّ مِنْكُمْ رَجُلًا وَمِنْ يَأْجُوجَ وَمَأْجُوجَ أَلْفٌ» ثُمَّ قَالَ: «وَالَّذِي نَفْسِي بِيَدِهِ أَرْجُو أَنْ تَكُونُوا رُبُعَ أَهْلِ الْجَنَّةِ» فَكَبَّرْنَا. فَقَالَ: «أَرْجُو أَنْ تَكُونُوا ثُلُثَ أَهْلِ الْجَنَّةِ» فَكَبَّرْنَا فَقَالَ: «أَرْجُو أَنْ تَكُونُوا نِصْفَ أَهْلِ الْجَنَّةِ» فَكَبَّرْنَا قَالَ: «مَا أَنْتُمْ فِي النَّاسِ إِلَّا كَالشَّعْرَةِ السَّوْدَاءِ فِي جِلْدِ ثَوْرٍ أَبْيَضَ أَوْ كشعرة بَيْضَاءَ فِي جِلْدِ ثَوْرٍ أَسْوَدَ» . مُتَّفَقٌ عَلَيْهِ
Abu Said al-Xudriy (roziyallohu anhu)dan rivoyat qilinadi: Paygʻambar ﷺ: «Alloh (Qiyomat kuni): ‹Ey Odam›, — deydi. Odam: ‹Labbayka va saʼdayk (Buyrugʻingga shay turibman); va barcha yaxshilik Sening qoʻlingda›, — deb javob beradi. Alloh: ‹Doʻzax ahlini (ajratib) chiqar›, — deydi. Odam: ‹Yo Alloh! Doʻzax ahli qancha?› — deydi. Alloh: ‹Har mingdan toʻqqiz yuz toʻqson toʻqqiztasini chiqar›, — deb javob beradi. Oʻsha paytda bolalar oqsoch (qari) boʻlib qoladi, har bir homilador (ayol) homilasini tashlaydi va sen odamlarni — mast (kabi) koʻrasan, holbuki ular mast emas; lekin Allohning gʻazabi dahshatli boʻladi», — dedi. Paygʻambar ﷺ ning sahobalari: «Yo Rasululloh! U (istisno qilingan) bir kishi kim?» — dedi. U zot: «Xushxabardan xursand boʻlinglar; bir kishi sizlardan, ming kishi esa — Yaʼjuj va Maʼjujdan boʻladi», — dedi. Paygʻambar ﷺ yana: «Jonim qoʻlida boʻlgan Zotga qasamki, men sizlar — jannat ahlining toʻrtdan biri boʻlishingizni umid qilaman», — dedi. Biz: «Allohu akbar!» — deb baqirdik. U zot: «Men sizlar — jannat ahlining uchdan biri boʻlishingizni umid qilaman», — deb qoʻshdi. Biz: «Allohu akbar!» — deb baqirdik. U zot: «Men sizlar — jannat ahlining yarmi boʻlishingizni umid qilaman», — dedi. Biz: «Allohu akbar!» — deb baqirdik. U zot yana: «Sizlar (musulmonlar) — (gʻayrimusulmonlarga nisbatan) oq hoʻkizning terisidagi qora tukdek yoki qora hoʻkizning terisidagi oq tukdek(siz) (yaʼni sizlarning soningiz — ularnikiga nisbatan juda oz)», — dedi.Абу Саид ал-Худрий (розияллоҳу анҳу)дан ривоят қилинади: Пайғамбар ﷺ: «Аллоҳ (Қиёмат куни): ‹Эй Одам›, — дейди. Одам: ‹Лаббайка ва саъдайк (Буйруғингга шай турибман); ва барча яхшилик Сенинг қўлингда›, — деб жавоб беради. Аллоҳ: ‹Дўзах аҳлини (ажратиб) чиқар›, — дейди. Одам: ‹Ё Аллоҳ! Дўзах аҳли қанча?› — дейди. Аллоҳ: ‹Ҳар мингдан тўққиз юз тўқсон тўққизтасини чиқар›, — деб жавоб беради. Ўша пайтда болалар оқсоч (қари) бўлиб қолади, ҳар бир ҳомиладор (аёл) ҳомиласини ташлайди ва сен одамларни — маст (каби) кўрасан, ҳолбуки улар маст эмас; лекин Аллоҳнинг ғазаби даҳшатли бўлади», — деди. Пайғамбар ﷺ нинг саҳобалари: «Ё Расулуллоҳ! У (истисно қилинган) бир киши ким?» — деди. У зот: «Хушхабардан хурсанд бўлинглар; бир киши сизлардан, минг киши эса — Яъжуж ва Маъжуждан бўлади», — деди. Пайғамбар ﷺ яна: «Жоним қўлида бўлган Зотга қасамки, мен сизлар — жаннат аҳлининг тўртдан бири бўлишингизни умид қиламан», — деди. Биз: «Аллоҳу акбар!» — деб бақирдик. У зот: «Мен сизлар — жаннат аҳлининг учдан бири бўлишингизни умид қиламан», — деб қўшди. Биз: «Аллоҳу акбар!» — деб бақирдик. У зот: «Мен сизлар — жаннат аҳлининг ярми бўлишингизни умид қиламан», — деди. Биз: «Аллоҳу акбар!» — деб бақирдик. У зот яна: «Сизлар (мусулмонлар) — (ғайримусулмонларга нисбатан) оқ ҳўкизнинг терисидаги қора тукдек ёки қора ҳўкизнинг терисидаги оқ тукдек(сиз) (яъни сизларнинг сонингиз — уларникига нисбатан жуда оз)», — деди.