Abu Hurayra (roziyallohu anhu)dan rivoyat qilinadi: Rasululloh ﷺ: «Oʻlim farishtasi Muso alayhissalomning oldiga kelib, unga: ‹Robbingga javob ber (oʻlimga hozirlan)›, — dedi. Shunda Muso alayhissalom oʻlim farishtasining koʻziga shapaloq urib, uni chiqarib yubordi. Farishta Alloh taoloning oldiga qaytib: ‹Sen meni oʻlimni istamaydigan bandangning oldiga yubording, u esa koʻzimni chiqarib yubordi›, — dedi. Shunda Alloh unga (farishtaga) koʻzini qaytarib berib: ‹Bandamning oldiga qayt va ayt: hayotni istaysanmi? Agar hayotni istasang, qoʻlingni bir hoʻkizning beliga qoʻy. Qoʻling yopgan har bir tuk evaziga sen bir yil yashaysan›, — dedi. (Muso): ‹Soʻng nima boʻladi?› — dedi. (Alloh:) ‹Soʻng oʻlasan›, — dedi. (Muso:) ‹Unday boʻlsa, hozir, yaqinda (oʻlay). Ey Robbim, meni muqaddas yerdan bir tosh otimicha (masofada) joyda jonimni ol›, — dedi». Rasululloh ﷺ: «Allohga qasamki, agar men uning yonida boʻlganimda, sizlarga uning yoʻl chetidagi, qizil tepalik yonidagi qabrini koʻrsatgan boʻlardim», — dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Ўлим фариштаси Мусо алайҳиссаломнинг олдига келиб, унга: ‹Роббингга жавоб бер (ўлимга ҳозирлан)›, — деди. Шунда Мусо алайҳиссалом ўлим фариштасининг кўзига шапалоқ уриб, уни чиқариб юборди. Фаришта Аллоҳ таолонинг олдига қайтиб: ‹Сен мени ўлимни истамайдиган бандангнинг олдига юбординг, у эса кўзимни чиқариб юборди›, — деди. Шунда Аллоҳ унга (фариштага) кўзини қайтариб бериб: ‹Бандамнинг олдига қайт ва айт: ҳаётни истайсанми? Агар ҳаётни истасанг, қўлингни бир ҳўкизнинг белига қўй. Қўлинг ёпган ҳар бир тук эвазига сен бир йил яшайсан›, — деди. (Мусо): ‹Сўнг нима бўлади?› — деди. (Аллоҳ:) ‹Сўнг ўласан›, — деди. (Мусо:) ‹Ундай бўлса, ҳозир, яқинда (ўлай). Эй Роббим, мени муқаддас ердан бир тош отимича (масофада) жойда жонимни ол›, — деди». Расулуллоҳ ﷺ: «Аллоҳга қасамки, агар мен унинг ёнида бўлганимда, сизларга унинг йўл четидаги, қизил тепалик ёнидаги қабрини кўрсатган бўлардим», — дедилар.