Abu Hurayra (roziyallohu anhu)dan rivoyat qilinadi: Bir boʻri qoʻy podasining choʻponi oldiga kelib, podadan bir qoʻyni oldi. Choʻpon uni quvib, qoʻyni undan tortib oldi. Boʻri bir tepalikka chiqib, orqa oyoqlarida oʻtirib oldi-da: «Alloh azza va jalla menga rizq qilib bergan narsaga qasd qilding — men uni olgan edim, sen esa uni mendan tortib olding», dedi. Odam: «Allohga qasamki, boʻri gapirayotganini bugungidek koʻrmagan edim!» dedi. Boʻri: «Bundan ham ajablanarligi — ikki qir orasidagi xurmozorlarda, sizlarga oʻtgan narsalarni va sizlardan keyin boʻladigan narsalarni xabar beradigan bir kishidir», dedi. Ul kishi yahudiy edi. Bas, u odam Nabiy ﷺ oldiga kelib islom qabul qildi va u zotga xabar berdi. Nabiy ﷺ uni tasdiqladilar. Soʻng Nabiy ﷺ: «Bu qiyomat oldidagi alomatlardan biridir. Yaqinda shunday boʻladiki, kishi (uydan) chiqib, qaytib kelguncha, oyogʻidagi kavushi va qamchisi undan keyin ahli nima qilganini unga soʻzlab beradi», dedilar. Sharhus-sunnada rivoyat qilingan.Абу Ҳурайра (розияллоҳу анҳу)дан ривоят қилинади: Бир бўри қўй подасининг чўпони олдига келиб, подадан бир қўйни олди. Чўпон уни қувиб, қўйни ундан тортиб олди. Бўри бир тепаликка чиқиб, орқа оёқларида ўтириб олди-да: «Аллоҳ азза ва жалла менга ризқ қилиб берган нарсага қасд қилдинг — мен уни олган эдим, сен эса уни мендан тортиб олдинг», деди. Одам: «Аллоҳга қасамки, бўри гапираётганини бугунгидек кўрмаган эдим!» деди. Бўри: «Бундан ҳам ажабланарлиги — икки қир орасидаги хурмозорларда, сизларга ўтган нарсаларни ва сизлардан кейин бўладиган нарсаларни хабар берадиган бир кишидир», деди. Ул киши яҳудий эди. Бас, у одам Набий ﷺ олдига келиб ислом қабул қилди ва у зотга хабар берди. Набий ﷺ уни тасдиқладилар. Сўнг Набий ﷺ: «Бу қиёмат олдидаги аломатлардан биридир. Яқинда шундай бўладики, киши (уйдан) чиқиб, қайтиб келгунча, оёғидаги кавуши ва қамчиси ундан кейин аҳли нима қилганини унга сўзлаб беради», дедилар. Шарҳус-суннада ривоят қилинган.