Ar-Rubayyiʼ binti Muʼavviz ibn Afro (roziyallohu anho)dan rivoyat qilinishicha, u Paygʻambar ﷺ ni tahorat olayotganlarini koʻrgan. U: «U zot boshlariga, boshlarining oldidagi va orqasidagi (joyga), chakkalariga va quloqlariga bir marta mash tortdilar», dedi. (Rovi) aytdi: Bu bobda Ali va Talha ibn Musarrif ibn Amr(ning) bobosidan ham (rivoyatlar bor). Abu Iso aytdi: Ar-Rubayyiʼning hadisi hasan sahih hadisdir. Paygʻambar ﷺ dan u zot boshlariga bir marta mash tortgani bir necha yoʻl bilan rivoyat qilingan. Paygʻambar ﷺ sahobalaridan koʻpchilik ilm ahli va ulardan keyingilar nazdida shu (hadis) bilan amal qilinadi. Jaʼfar ibn Muhammad, Sufyon Savriy, Ibn al-Muborak, Shofeiy, Ahmad va Ishoq ham shuni aytib, boshga bir marta mash tortishni (kifoya) deb koʻrishgan. Bizga Muhammad ibn Mansur al-Makkiy aytib berdi: Men Sufyon ibn Uyaynani: «Men Jaʼfar ibn Muhammaddan boshga mash tortish haqida — bir marta kifoya qiladimi? — deb soʻradim. U: ‹Ha, vallohi›, dedi», deganini eshitdim.Ар-Рубаййиъ бинти Муъаввиз ибн Афро (розияллоҳу анҳо)дан ривоят қилинишича, у Пайғамбар ﷺ ни таҳорат олаётганларини кўрган. У: «У зот бошларига, бошларининг олдидаги ва орқасидаги (жойга), чаккаларига ва қулоқларига бир марта маш тортдилар», деди. (Рови) айтди: Бу бобда Али ва Талҳа ибн Мусарриф ибн Амр(нинг) бобосидан ҳам (ривоятлар бор). Абу Исо айтди: Ар-Рубаййиънинг ҳадиси ҳасан саҳиҳ ҳадисдир. Пайғамбар ﷺ дан у зот бошларига бир марта маш тортгани бир неча йўл билан ривоят қилинган. Пайғамбар ﷺ саҳобаларидан кўпчилик илм аҳли ва улардан кейингилар наздида шу (ҳадис) билан амал қилинади. Жаъфар ибн Муҳаммад, Суфён Саврий, Ибн ал-Муборак, Шофеий, Аҳмад ва Ишоқ ҳам шуни айтиб, бошга бир марта маш тортишни (кифоя) деб кўришган. Бизга Муҳаммад ибн Мансур ал-Маккий айтиб берди: Мен Суфён ибн Уяйнани: «Мен Жаъфар ибн Муҳаммаддан бошга маш тортиш ҳақида — бир марта кифоя қиладими? — деб сўрадим. У: ‹Ҳа, валлоҳи›, деди», деганини эшитдим.