Abud-Dardo (roziyallohu anhu)dan rivoyat qilinadi: Rasululloh ﷺ (namozga) turdilar, biz u zotning: «Sendan Allohga panoh tilayman», — deganlarini eshitdik. Soʻng: «Seni Allohning laʼnati bilan laʼnatlayman», — deb uch marta aytdilar va goʻyo bir narsani ushlayotgandek qoʻllarini choʻzdilar. Namozdan boʻshaganlarida biz: «Yo Rasululloh! Biz Sizning namozda bundan oldin aytayotganingizni eshitmagan bir narsani aytayotganingizni eshitdik va qoʻlingizni choʻzganingizni koʻrdik», — dedik. U zot: «Allohning dushmani Iblis menga yuzimga otmoqchi boʻlib bir uchqun olovni keltirdi. Men: ‹Sendan Allohga panoh tilayman›, — deb uch marta aytdim, soʻng: ‹Seni Allohning toʻla laʼnati bilan laʼnatlayman›, — dedim, lekin u uch marotabada ham orqaga chekinmadi. Soʻng uni ushlamoqchi boʻldim. Allohga qasamki, agar birodarim Sulaymonning duosi boʻlmaganida edi, u bogʻlangan holda qolib, Madina ahli bolalari u bilan oʻynagan boʻlardi», — dedilar.Абуд-Дардо (розияллоҳу анҳу)дан ривоят қилинади: Расулуллоҳ ﷺ (намозга) турдилар, биз у зотнинг: «Сендан Аллоҳга паноҳ тилайман», — деганларини эшитдик. Сўнг: «Сени Аллоҳнинг лаънати билан лаънатлайман», — деб уч марта айтдилар ва гўё бир нарсани ушлаётгандек қўлларини чўздилар. Намоздан бўшаганларида биз: «Ё Расулуллоҳ! Биз Сизнинг намозда бундан олдин айтаётганингизни эшитмаган бир нарсани айтаётганингизни эшитдик ва қўлингизни чўзганингизни кўрдик», — дедик. У зот: «Аллоҳнинг душмани Иблис менга юзимга отмоқчи бўлиб бир учқун оловни келтирди. Мен: ‹Сендан Аллоҳга паноҳ тилайман›, — деб уч марта айтдим, сўнг: ‹Сени Аллоҳнинг тўла лаънати билан лаънатлайман›, — дедим, лекин у уч маротабада ҳам орқага чекинмади. Сўнг уни ушламоқчи бўлдим. Аллоҳга қасамки, агар биродарим Сулаймоннинг дуоси бўлмаганида эди, у боғланган ҳолда қолиб, Мадина аҳли болалари у билан ўйнаган бўларди», — дедилар.