Jobir (roziyallohu anhu)dan rivoyat qilinadi: Iyd kuni Rasululloh ﷺ bilan birga namozda hozir boʻldim. U zot xutbadan oldin, azon va iqomatsiz namozdan boshladilar. Namozni tugatgach, Bilolga suyanib turdilar-da, Allohga hamd va sano aytdilar, odamlarga vaʼz qildilar, ularga eslatma berdilar va Allohga itoat qilishga ragʻbatlantirdilar. Soʻng burilib, Bilol bilan birga ayollar tomonga bordilar. Ularga Allohdan qoʻrqishni buyurdilar, vaʼz qildilar va eslatma berdilar, Allohga hamd va sano aytib, soʻng ularni Allohga itoat qilishga ragʻbatlantirdilar. Soʻng: «Sadaqa qilinglar, chunki koʻpchiligingiz jahannam oʻtinisiz», dedilar. Ayollarning quyi tabaqasidan yuzi qorayibroq turgan bir ayol: «Nega, ey Rasululloh?» dedi. U zot: «Koʻp shikoyat qilasizlar va erlaringizga noshukrlik qilasizlar», dedilar. Shunda ayollar boʻyinbogʻlarini, isirgʻalarini va uzuklarini yecha boshladilar, ularni sadaqa qilib Bilolning kiyimiga tashladilar.Жобир (розияллоҳу анҳу)дан ривоят қилинади: Ийд куни Расулуллоҳ ﷺ билан бирга намозда ҳозир бўлдим. У зот хутбадан олдин, азон ва иқоматсиз намоздан бошладилар. Намозни тугатгач, Билолга суяниб турдилар-да, Аллоҳга ҳамд ва сано айтдилар, одамларга ваъз қилдилар, уларга эслатма бердилар ва Аллоҳга итоат қилишга рағбатлантирдилар. Сўнг бурилиб, Билол билан бирга аёллар томонга бордилар. Уларга Аллоҳдан қўрқишни буюрдилар, ваъз қилдилар ва эслатма бердилар, Аллоҳга ҳамд ва сано айтиб, сўнг уларни Аллоҳга итоат қилишга рағбатлантирдилар. Сўнг: «Садақа қилинглар, чунки кўпчилигингиз жаҳаннам ўтинисиз», дедилар. Аёлларнинг қуйи табақасидан юзи қорайиброқ турган бир аёл: «Нега, эй Расулуллоҳ?» деди. У зот: «Кўп шикоят қиласизлар ва эрларингизга ношукрлик қиласизлар», дедилар. Шунда аёллар бўйинбоғларини, исирғаларини ва узукларини еча бошладилар, уларни садақа қилиб Билолнинг кийимига ташладилар.