Abdulloh ibn Abu Avfo (roziyallohu anhu)dan rivoyat qilinadi: Bir kishi Paygʻambar ﷺ huzurlariga kelib: «Men Qurʼondan biror narsa (yodlab) ola olmayapman, menga undan yetarli boʻladigan narsani oʻrgating», dedi. U zot: «‹Subhanalloh, val hamdu lillah, va la ilaha illalloh, vallohu akbar, va la havla va la quvvata illa billah› ‹Alloh pokdir, hamd Allohgadir, Allohdan boshqa iloh yoʻq, Alloh eng buyukdir, kuch-quvvat faqat Alloh bilandir› deb ayt», dedilar. (U:) «Ey Rasululloh, bu Alloh azza va jalla uchun boʻldi, menga nima (qoladi)?» dedi. U zot: «‹Allohummarhamniy varzuqniy va ofiniy vahdiniy› ‹Ey Alloh, menga rahm qil, menga rizq ber, menga ofiyat ber va meni hidoyat qil› deb ayt», dedilar. U (oʻrnidan) turganida, qoʻli bilan shunday (ishora) qildi. Shunda Rasululloh ﷺ: «Bunisiga kelsak, u qoʻlini yaxshilik bilan toʻldirib oldi», dedilar.Абдуллоҳ ибн Абу Авфо (розияллоҳу анҳу)дан ривоят қилинади: Бир киши Пайғамбар ﷺ ҳузурларига келиб: «Мен Қуръондан бирор нарса (ёдлаб) ола олмаяпман, менга ундан етарли бўладиган нарсани ўргатинг», деди. У зот: «‹Субҳаналлоҳ, вал ҳамду лиллаҳ, ва ла илаҳа иллаллоҳ, валлоҳу акбар, ва ла ҳавла ва ла қуввата илла биллаҳ› ‹Аллоҳ покдир, ҳамд Аллоҳгадир, Аллоҳдан бошқа илоҳ йўқ, Аллоҳ энг буюкдир, куч-қувват фақат Аллоҳ биландир› деб айт», дедилар. (У:) «Эй Расулуллоҳ, бу Аллоҳ азза ва жалла учун бўлди, менга нима (қолади)?» деди. У зот: «‹Аллоҳуммарҳамний варзуқний ва офиний ваҳдиний› ‹Эй Аллоҳ, менга раҳм қил, менга ризқ бер, менга офият бер ва мени ҳидоят қил› деб айт», дедилар. У (ўрнидан) турганида, қўли билан шундай (ишора) қилди. Шунда Расулуллоҳ ﷺ: «Бунисига келсак, у қўлини яхшилик билан тўлдириб олди», дедилар.