Jobir (roziyallohu anhu)dan rivoyat qilinadi: Rasululloh ﷺ sahobalarining oldiga chiqib, ularga Rahmon surasini boshidan oxirigacha oʻqib berdilar, ular esa jim turishdi. Shunda u zot: «Men buni jin kechasi jinlarga oʻqib bergan edim, ular sizlardan koʻra yaxshiroq javob qaytardilar. Har safar {Fabi ayyi alai Robbikuma tukazziban} (Rahmon 13) degan oyatga yetganimda, ular: ‹Yoʻq, ey Robbimiz, biz Sening neʼmatlaringdan hech birini yolgʻonga chiqarmaymiz, bas, hamd Senga xosdir›, deyishardi», dedilar. Termiziy rivoyat qilib: «Bu gʻarib hadis», degan.Жобир (розияллоҳу анҳу)дан ривоят қилинади: Расулуллоҳ ﷺ саҳобаларининг олдига чиқиб, уларга Раҳмон сурасини бошидан охиригача ўқиб бердилар, улар эса жим туришди. Шунда у зот: «Мен буни жин кечаси жинларга ўқиб берган эдим, улар сизлардан кўра яхшироқ жавоб қайтардилар. Ҳар сафар {Фаби аййи алаи Роббикума туказзибан} (Раҳмон 13) деган оятга етганимда, улар: ‹Йўқ, эй Роббимиз, биз Сенинг неъматларингдан ҳеч бирини ёлғонга чиқармаймиз, бас, ҳамд Сенга хосдир›, дейишарди», дедилар. Термизий ривоят қилиб: «Бу ғариб ҳадис», деган.