حَدَّثَنَا عَبْدُ الرَّحْمَنِ بْنُ وَاقِدٍ أَبُو مُسْلِمٍ السَّعْدِيُّ، حَدَّثَنَا الْوَلِيدُ بْنُ مُسْلِمٍ، عَنْ زُهَيْرِ بْنِ مُحَمَّدٍ، عَنْ مُحَمَّدِ بْنِ الْمُنْكَدِرِ، عَنْ جَابِرٍ، رضى الله عنه قَالَ خَرَجَ رَسُولُ اللَّهِ صلى الله عليه وسلم عَلَى أَصْحَابِهِ فَقَرَأَ عَلَيْهِمْ سُورَةَ الرَّحْمَنِ مِنْ أَوَّلِهَا إِلَى آخِرِهَا فَسَكَتُوا فَقَالَ " لَقَدْ قَرَأْتُهَا عَلَى الْجِنِّ لَيْلَةَ الْجِنِّ فَكَانُوا أَحْسَنَ مَرْدُودًا مِنْكُمْ كُنْتُ كُلَّمَا أَتَيْتُ عَلَى قَوْلِهِِ : ( فبأَىِّ آلاَءِ رَبِّكُمَا تُكَذِّبَانِ ) قَالُوا لاَ بِشَيْءٍ مِنْ نِعَمِكَ رَبَّنَا نُكَذِّبُ فَلَكَ الْحَمْدُ " . قَالَ أَبُو عِيسَى هَذَا حَدِيثٌ غَرِيبٌ لاَ نَعْرِفُهُ إِلاَّ مِنْ حَدِيثِ الْوَلِيدِ بْنِ مُسْلِمٍ عَنْ زُهَيْرِ بْنِ مُحَمَّدٍ . قَالَ أَحْمَدُ بْنُ حَنْبَلٍ كَأَنَّ زُهَيْرَ بْنَ مُحَمَّدٍ الَّذِي وَقَعَ بِالشَّامِ لَيْسَ هُوَ الَّذِي يُرْوَى عَنْهُ بِالْعِرَاقِ كَأَنَّهُ رَجُلٌ آخَرُ قَلَبُوا اسْمَهُ يَعْنِي لِمَا يَرْوُونَ عَنْهُ مِنَ الْمَنَاكِيرِ . وَسَمِعْتُ مُحَمَّدَ بْنَ إِسْمَاعِيلَ الْبُخَارِيَّ يَقُولُ أَهْلُ الشَّامِ يَرْوُونَ عَنْ زُهَيْرِ بْنِ مُحَمَّدٍ مَنَاكِيرَ وَأَهْلُ الْعِرَاقِ يَرْوُونَ عَنْهُ أَحَادِيثَ مُقَارِبَةً .
Jobir (roziyallohu anhu)dan rivoyat qilinadi: «Rasululloh ﷺ sahobalari oldiga chiqib, ularga Rahmon surasini boshidan oxirigacha tilovat qilib berdilar. Ular esa jim turdilar. Shunda u zot: ‹Men buni jinlar kechasida jinlarga tilovat qilib bergan edim, ular sizlardan koʻra yaxshiroq javob qaytargan edilar. Men har safar Allohning: {Bas, Robbingizning qaysi neʼmatlarini yolgʻonga chiqarasizlar?!} (degan soʻziga) yetganimda, ular: ‹Robbimiz, Sening hech bir neʼmatingni yolgʻonga chiqarmaymiz, hamd Senga xosdir›, deyishar edi›, dedilar». Abu Iso aytdi: Bu hadis gʻaribdir, biz uni faqat Valid ibn Muslimning Zuhayr ibn Muhammaddan (qilgan) rivoyati orqaligina bilamiz. Ahmad ibn Hanbal aytdi: Shomda boʻlgan Zuhayr ibn Muhammad, goʻyo Iroqda undan rivoyat qilinadigan kishi emasdek; goʻyo u boshqa kishi, ismini almashtirib yuborganday — yaʼni undan rivoyat qilinayotgan munkar (rivoyat)lari sababli. Men Muhammad ibn Ismoil al-Buxoriyning shunday deganini eshitdim: Shom ahli Zuhayr ibn Muhammaddan munkar (rivoyat)larni rivoyat qiladilar, Iroq ahli esa undan maqbul hadislarni rivoyat qiladilar.Жобир (розияллоҳу анҳу)дан ривоят қилинади: «Расулуллоҳ ﷺ саҳобалари олдига чиқиб, уларга Раҳмон сурасини бошидан охиригача тиловат қилиб бердилар. Улар эса жим турдилар. Шунда у зот: ‹Мен буни жинлар кечасида жинларга тиловат қилиб берган эдим, улар сизлардан кўра яхшироқ жавоб қайтарган эдилар. Мен ҳар сафар Аллоҳнинг: {Бас, Роббингизнинг қайси неъматларини ёлғонга чиқарасизлар?!} (деган сўзига) етганимда, улар: ‹Роббимиз, Сенинг ҳеч бир неъматингни ёлғонга чиқармаймиз, ҳамд Сенга хосдир›, дейишар эди›, дедилар». Абу Исо айтди: Бу ҳадис ғарибдир, биз уни фақат Валид ибн Муслимнинг Зуҳайр ибн Муҳаммаддан (қилган) ривояти орқалигина биламиз. Аҳмад ибн Ҳанбал айтди: Шомда бўлган Зуҳайр ибн Муҳаммад, гўё Ироқда ундан ривоят қилинадиган киши эмасдек; гўё у бошқа киши, исмини алмаштириб юборгандай — яъни ундан ривоят қилинаётган мункар (ривоят)лари сабабли. Мен Муҳаммад ибн Исмоил ал-Бухорийнинг шундай деганини эшитдим: Шом аҳли Зуҳайр ибн Муҳаммаддан мункар (ривоят)ларни ривоят қиладилар, Ироқ аҳли эса ундан мақбул ҳадисларни ривоят қиладилар.