Abu Hurayra (roziyallohu anhu)dan rivoyat qilinadi: Rasululloh ﷺ: «Alloh: ‹Men solih bandalarim uchun hech bir koʻz koʻrmagan, hech bir quloq eshitmagan va hech bir insonning xayoliga kelmagan (neʼmatlarni) tayyorlab qoʻydim›, deydi. Agar xohlasangiz, oʻqinglar: {Bas, hech bir jon ular qilib oʻtgan amallariga mukofot uchun ular uchun yashirib qoʻyilgan koʻz quvontiruvchi (neʼmatlar)ni bilmas} (Sajda 17). Jannatda shunday daraxt borki, otliq uning soyasida yuz yil yursa ham uni bosib oʻta olmaydi. Agar xohlasangiz, oʻqinglar: {Hamda choʻzilgan soyada} (Voqea 30). Jannatda bir qamchi (qoʻyiladigan) joy dunyo va undagi barcha narsalardan yaxshiroqdir. Agar xohlasangiz, oʻqinglar: {Bas, kim doʻzaxdan uzoqlashtirilib, jannatga kiritilsa, demak, u yutibdi. Dunyo hayoti esa aldagʻich matodan boshqa narsa emas} (Oli Imron 185)», dedilar. Abu Iso aytdi: Bu hadis hasan sahihdir.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Аллоҳ: ‹Мен солиҳ бандаларим учун ҳеч бир кўз кўрмаган, ҳеч бир қулоқ эшитмаган ва ҳеч бир инсоннинг хаёлига келмаган (неъматларни) тайёрлаб қўйдим›, дейди. Агар хоҳласангиз, ўқинглар: {Бас, ҳеч бир жон улар қилиб ўтган амалларига мукофот учун улар учун яшириб қўйилган кўз қувонтирувчи (неъматлар)ни билмас} (Сажда 17). Жаннатда шундай дарахт борки, отлиқ унинг соясида юз йил юрса ҳам уни босиб ўта олмайди. Агар хоҳласангиз, ўқинглар: {Ҳамда чўзилган сояда} (Воқеа 30). Жаннатда бир қамчи (қўйиладиган) жой дунё ва ундаги барча нарсалардан яхшироқдир. Агар хоҳласангиз, ўқинглар: {Бас, ким дўзахдан узоқлаштирилиб, жаннатга киритилса, демак, у ютибди. Дунё ҳаёти эса алдағич матодан бошқа нарса эмас} (Оли Имрон 185)», дедилар. Абу Исо айтди: Бу ҳадис ҳасан саҳиҳдир.