وَعَنْ جَابِرٌ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: «الطِّفْلُ لَا يُصَلَّى عَلَيْهِ وَلَا يَرِثُ وَلَا يُوَرَّثُ حَتَّى يَسْتَهِلَّ» . رَوَاهُ التِّرْمِذِيُّ وَابْنُ مَاجَهْ إِلَّا أَنَّهُ لَمْ يَذْكُرْ: «وَلَا يُورث»
Jobir (roziyallohu anhu) Nabiy ﷺdan rivoyat qiladi: U zot: «Goʻdak (bola) tovush chiqarguniga (yaʼni tirik tugʻilgani maʼlum boʻlgunicha) uning ustida namoz oʻqilmaydi, u (boshqaga) meros boʻlmaydi va (unga ham) meros boʻlinmaydi», dedilar. Abu Iso aytdi: Bu shunday hadiski, odamlar bu haqda ixtilof qilganlar. Baʼzilari uni Abu Zubayrdan, u Jobirdan, u Nabiy ﷺdan marfuʼ qilib rivoyat qilganlar. Ashʼas ibn Savvor va bir nechalari esa uni Abu Zubayrdan, u Jobirdan mavquf qilib rivoyat qilganlar. Muhammad ibn Ishoq ham uni Ato ibn Abu Rabohdan, u Jobirdan mavquf qilib rivoyat qilgan. Goʻyo bu marfuʼ hadisdan sahihroqdir. Baʼzi ahli ilm shunga borib: «Goʻdak tovush chiqargunicha (tirik tugʻilgani maʼlum boʻlgunicha) uning ustida namoz oʻqilmaydi», dedilar. Bu Sufyon as-Savriy va Shofiʼiyning soʻzidir.Жобир (розияллоҳу анҳу) Набий ﷺдан ривоят қилади: У зот: «Гўдак (бола) товуш чиқаргунига (яъни тирик туғилгани маълум бўлгунича) унинг устида намоз ўқилмайди, у (бошқага) мерос бўлмайди ва (унга ҳам) мерос бўлинмайди», дедилар. Абу Исо айтди: Бу шундай ҳадиски, одамлар бу ҳақда ихтилоф қилганлар. Баъзилари уни Абу Зубайрдан, у Жобирдан, у Набий ﷺдан марфуъ қилиб ривоят қилганлар. Ашъас ибн Саввор ва бир нечалари эса уни Абу Зубайрдан, у Жобирдан мавқуф қилиб ривоят қилганлар. Муҳаммад ибн Ишоқ ҳам уни Ато ибн Абу Рабоҳдан, у Жобирдан мавқуф қилиб ривоят қилган. Гўё бу марфуъ ҳадисдан саҳиҳроқдир. Баъзи аҳли илм шунга бориб: «Гўдак товуш чиқаргунича (тирик туғилгани маълум бўлгунича) унинг устида намоз ўқилмайди», дедилар. Бу Суфён ас-Саврий ва Шофиъийнинг сўзидир.