Hubshiy ibn Junoda as-Saluliy (roziyallohu anhu)dan rivoyat qilinadi: U: «Men Vidoʼ hajjida Rasululloh ﷺni eshitdim. U zot Arafotda turgan edilar, oldilariga bir aʼrobiy kelib, ridolarining etagidan ushladi-da, undan (sadaqa) soʻradi. U zot unga berdilar, u esa ketdi. Ana shunda tilanish harom qilindi. Rasululloh ﷺ: ‹Albatta, tilanish boyga ham, badani sogʻlom kuchli kishiga ham halol boʻlmaydi, magar qattiq qashshoqlikka tushgan yoki ogʻir qarzga botgan kishiga (mustasno). Kim molini koʻpaytirish uchun odamlardan soʻrasa, (bu mol) qiyomat kunida uning yuzida tirnoq yarasi va jahannamdan (boʻlib) u yeydigan qizigan toshlar boʻladi. Bas, kim xohlasa, (soʻrashni) kamaytirsin, kim xohlasa, koʻpaytirsin (oqibatini bilib qoʻysin)›, dedilar», dedi.Ҳубший ибн Жунода ас-Салулий (розияллоҳу анҳу)дан ривоят қилинади: У: «Мен Видў ҳажжида Расулуллоҳ ﷺни эшитдим. У зот Арафотда турган эдилар, олдиларига бир аъробий келиб, ридоларининг этагидан ушлади-да, ундан (садақа) сўради. У зот унга бердилар, у эса кетди. Ана шунда тиланиш ҳаром қилинди. Расулуллоҳ ﷺ: ‹Албатта, тиланиш бойга ҳам, бадани соғлом кучли кишига ҳам ҳалол бўлмайди, магар қаттиқ қашшоқликка тушган ёки оғир қарзга ботган кишига (мустасно). Ким молини кўпайтириш учун одамлардан сўраса, (бу мол) қиёмат кунида унинг юзида тирноқ яраси ва жаҳаннамдан (бўлиб) у ейдиган қизиган тошлар бўлади. Бас, ким хоҳласа, (сўрашни) камайтирсин, ким хоҳласа, кўпайтирсин (оқибатини билиб қўйсин)›, дедилар», деди.