Muoz ibn Jabal (roziyallohu anhu)dan rivoyat qilinadi: Men Rasululloh ﷺ ning ortlarida Ufayr deb ataladigan eshakda mingashib oʻtirgan edim. (Muoz) dedi: Shunda (Paygʻambar): «Ey Muoz, Allohning bandalar ustidagi haqqi nima va bandalarning Alloh ustidagi haqqi nima ekanini bilasanmi?» dedilar. (Muoz) dedi: Men: «Alloh va Uning Rasuli bilguvchiroqdir», dedim. (Paygʻambar): «Allohning bandalar ustidagi haqqi — ular Allohga ibodat qilishlari va Unga hech narsani sherik qilmasliklaridir; bandalarning Alloh azza va jalla ustidagi haqqi esa — Unga hech narsani sherik qilmagan kishini azoblamasligidir», dedilar. (Muoz) dedi: Men: «Ey Allohning Rasuli, odamlarga (bu) xushxabarni bermaymi?» dedim. (Paygʻambar): «Ularga xushxabar berma — (yoʻqsa) ular (faqat shunga) suyanib qoladilar», dedilar.Муоз ибн Жабал (розияллоҳу анҳу)дан ривоят қилинади: Мен Расулуллоҳ ﷺ нинг ортларида Уфайр деб аталадиган эшакда мингашиб ўтирган эдим. (Муоз) деди: Шунда (Пайғамбар): «Эй Муоз, Аллоҳнинг бандалар устидаги ҳаққи нима ва бандаларнинг Аллоҳ устидаги ҳаққи нима эканини биласанми?» дедилар. (Муоз) деди: Мен: «Аллоҳ ва Унинг Расули билгувчироқдир», дедим. (Пайғамбар): «Аллоҳнинг бандалар устидаги ҳаққи — улар Аллоҳга ибодат қилишлари ва Унга ҳеч нарсани шерик қилмасликларидир; бандаларнинг Аллоҳ азза ва жалла устидаги ҳаққи эса — Унга ҳеч нарсани шерик қилмаган кишини азобламаслигидир», дедилар. (Муоз) деди: Мен: «Эй Аллоҳнинг Расули, одамларга (бу) хушхабарни бермайми?» дедим. (Пайғамбар): «Уларга хушхабар берма — (йўқса) улар (фақат шунга) суяниб қоладилар», дедилар.