Abu Zarr (roziyallohu anhu)dan rivoyat qilinadi: men Nabiy ﷺ ning oldilariga keldim, u zot Kaʼba soyasida oʻtirgan edilar. Meni koʻrganlarida: «Kaʼbaning Robbiga qasamki, ular — eng ziyon koʻrguvchilardir», dedilar. (Abu Zarr) aytdi: men kelib oʻtirdim, biroq tinch oʻtirolmay turib: «Yo Rasululloh, otam-onam sizga fido boʻlsin, ular kimlar?» dedim. U zot: «Ular — moli eng koʻp boʻlganlardir, magar (molini) mana bunday, mana bunday va mana bunday — oldidan, ortidan, oʻngidan va chapidan (infoq qilib) sarflaganlar bundan mustasno; bundaylar esa ozdir. Tuya, sigir va qoʻyga ega boʻlib, ularning zakotini ado etmaydigan hech kim yoʻqki, magar (ular) qiyomat kuni boʻlganidan kattaroq va semizroq holda kelib, shoxlari bilan uni suzadi va tuyoqlari bilan bosib oʻtadi; oxirgisi tugagani sayin avvalgisi unga qaytadi — toki odamlar orasida hukm chiqarilgunga qadar», dedilar.Абу Зарр (розияллоҳу анҳу)дан ривоят қилинади: мен Набий ﷺ нинг олдиларига келдим, у зот Каъба соясида ўтирган эдилар. Мени кўрганларида: «Каъбанинг Роббига қасамки, улар — энг зиён кўргувчилардир», дедилар. (Абу Зарр) айтди: мен келиб ўтирдим, бироқ тинч ўтиролмай туриб: «Ё Расулуллоҳ, отам-онам сизга фидо бўлсин, улар кимлар?» дедим. У зот: «Улар — моли энг кўп бўлганлардир, магар (молини) мана бундай, мана бундай ва мана бундай — олдидан, ортидан, ўнгидан ва чапидан (инфоқ қилиб) сарфлаганлар бундан мустасно; бундайлар эса оздир. Туя, сигир ва қўйга эга бўлиб, уларнинг закотини адо этмайдиган ҳеч ким йўқки, магар (улар) қиёмат куни бўлганидан каттароқ ва семизроқ ҳолда келиб, шохлари билан уни сузади ва туёқлари билан босиб ўтади; охиргиси тугагани сайин аввалгиси унга қайтади — токи одамлар орасида ҳукм чиқарилгунга қадар», дедилар.