Abu Zarr (roziyallohu anhu)dan rivoyat qilinadi: Nabiy ﷺ Kaʼba soyasida oʻtirgan ekanlar, men u zotning huzurlariga keldim. Meni kelayotganimni koʻrganlarida: «Kaʼbaning Robbi bilan qasamki, ular eng koʻp ziyon koʻruvchilardir», dedilar. Men: «Menga nima boʻldi? Men haqimda biror narsa nozil boʻlgan boʻlsa kerak», dedim. Soʻng: «Otam va onam sizga fido boʻlsin, ular kimlar?» dedim. U zot: «Moli koʻp boʻlganlardir — magar mana bunday, mana bunday va mana bunday qilganlar bundan mustasno», deb oldilariga, oʻng va chap tomonlariga ishora qildilar. Soʻngra: «Jonim qoʻlida boʻlgan Zot bilan qasamki, tuya yoki qoramol qoldirib, zakotini bermay oʻlgan kishi qiyomat kuni ularni eng katta va eng semiz holida kelib, tuyoqlari bilan uni bosib, shoxlari bilan suzadigan holda keladi. Har safar oxirgisi tugagach, birinchisi qaytariladi — toki odamlar orasida hukm chiqarilguncha», dedilar.Абу Зарр (розияллоҳу анҳу)дан ривоят қилинади: Набий ﷺ Каъба соясида ўтирган эканлар, мен у зотнинг ҳузурларига келдим. Мени келаётганимни кўрганларида: «Каъбанинг Робби билан қасамки, улар энг кўп зиён кўрувчилардир», дедилар. Мен: «Менга нима бўлди? Мен ҳақимда бирор нарса нозил бўлган бўлса керак», дедим. Сўнг: «Отам ва онам сизга фидо бўлсин, улар кимлар?» дедим. У зот: «Моли кўп бўлганлардир — магар мана бундай, мана бундай ва мана бундай қилганлар бундан мустасно», деб олдиларига, ўнг ва чап томонларига ишора қилдилар. Сўнгра: «Жоним қўлида бўлган Зот билан қасамки, туя ёки қорамол қолдириб, закотини бермай ўлган киши қиёмат куни уларни энг катта ва энг семиз ҳолида келиб, туёқлари билан уни босиб, шохлари билан сузадиган ҳолда келади. Ҳар сафар охиргиси тугагач, биринчиси қайтарилади — токи одамлар орасида ҳукм чиқарилгунча», дедилар.