Ahnaf ibn Qays (rahimahulloh)dan rivoyat qilinadi: Men Qurayshdan bir necha kishi ichida edim. Shu payt Abu Zar oʻtib qoldi va u: «Mol toʻplovchilarni shunday bir dogʻlash bilan xushxabarlaki, (qizdirilgan temir) ularning yelkalariga (bosiladi-yu) yon tomonlaridan chiqib ketadi; yana ularning ensa tomonidan (bosiladigan) bir dogʻlash bilan ham (xushxabarlaki, qizdirilgan temir) peshonalaridan chiqib ketadi», der edi. (Ahnaf) dedi: Soʻng u chetga chiqib oʻtirdi. Men: «Bu kim?» dedim. Ular: «Bu — Abu Zar», dedilar. (Ahnaf) dedi: Men uning oldiga turib bordim va: «Hozirgina sendan eshitgan narsam nima edi?» dedim. U: «Men faqat ularning Paygʻambari ﷺ dan eshitgan narsamni aytdim, xolos», dedi. Men: «Bu ato (inʼom) haqida nima deysan?» dedim. U: «Uni ol, chunki bugun unda (sen uchun) yordam bor. Lekin u dining uchun bahoga aylansa, uni tark et», dedi.Аҳнаф ибн Қайс (раҳимаҳуллоҳ)дан ривоят қилинади: Мен Қурайшдан бир неча киши ичида эдим. Шу пайт Абу Зар ўтиб қолди ва у: «Мол тўпловчиларни шундай бир доғлаш билан хушхабарлаки, (қиздирилган темир) уларнинг елкаларига (босилади-ю) ён томонларидан чиқиб кетади; яна уларнинг энса томонидан (босиладиган) бир доғлаш билан ҳам (хушхабарлаки, қиздирилган темир) пешоналаридан чиқиб кетади», дер эди. (Аҳнаф) деди: Сўнг у четга чиқиб ўтирди. Мен: «Бу ким?» дедим. Улар: «Бу — Абу Зар», дедилар. (Аҳнаф) деди: Мен унинг олдига туриб бордим ва: «Ҳозиргина сендан эшитган нарсам нима эди?» дедим. У: «Мен фақат уларнинг Пайғамбари ﷺ дан эшитган нарсамни айтдим, холос», деди. Мен: «Бу ато (инъом) ҳақида нима дейсан?» дедим. У: «Уни ол, чунки бугун унда (сен учун) ёрдам бор. Лекин у дининг учун баҳога айланса, уни тарк эт», деди.