وَحَدَّثَنَا مُحَمَّدُ بْنُ الْمُثَنَّى، حَدَّثَنَا ابْنُ أَبِي عَدِيٍّ، عَنِ ابْنِ عَوْنٍ، عَنْ مُجَاهِدٍ، عَنْ عَبْدِ الرَّحْمَنِ بْنِ أَبِي لَيْلَى، عَنْ كَعْبِ بْنِ عُجْرَةَ، - رضى الله عنه - قَالَ فِيَّ أُنْزِلَتْ هَذِهِ الآيَةُ { فَمَنْ كَانَ مِنْكُمْ مَرِيضًا أَوْ بِهِ أَذًى مِنْ رَأْسِهِ فَفِدْيَةٌ مِنْ صِيَامٍ أَوْ صَدَقَةٍ أَوْ نُسُكٍ} قَالَ فَأَتَيْتُهُ فَقَالَ " ادْنُهْ " . فَدَنَوْتُ فَقَالَ " ادْنُهْ " . فَدَنَوْتُ . فَقَالَ صلى الله عليه وسلم " أَيُؤْذِيكَ هَوَامُّكَ " . قَالَ ابْنُ عَوْنٍ وَأَظُنُّهُ قَالَ نَعَمْ . قَالَ فَأَمَرَنِي بِفِدْيَةٍ مِنْ صِيَامٍ أَوْ صَدَقَةٍ أَوْ نُسُكٍ مَا تَيَسَّرَ .
Kaʼb ibn Ujra (roziyallohu anhu)dan rivoyat qilinadi: Bu oyat mening haqimda nozil boʻldi: {Sizlardan kim kasal boʻlsa yoki boshida ozor boʻlsa, roʻza yoki sadaqa yoxud qurbonlik (koʻrinishidagi) fidya (lozim boʻladi)} (Baqara 196). (Kaʼb) dedi: Men u zotning huzurlariga keldim, (u zot): «Yaqinroq kel», dedilar. Men yaqinlashdim. (U zot yana): «Yaqinroq kel», dedilar. Men yaqinlashdim. Shunda Rasululloh ﷺ: «Hasharotlaring seni bezovta qilyaptimi?» dedilar. Ibn Avn: «Oʻylashimcha, (Kaʼb): ‹Ha›, dedi», deydi. (Kaʼb) dedi: Soʻng (u zot) menga roʻza yoki sadaqa yoxud qurbonlik (koʻrinishidagi) — qaysi biri oson boʻlsa — fidya berishni buyurdilar.Каъб ибн Ужра (розияллоҳу анҳу)дан ривоят қилинади: Бу оят менинг ҳақимда нозил бўлди: {Сизлардан ким касал бўлса ёки бошида озор бўлса, рўза ёки садақа ёхуд қурбонлик (кўринишидаги) фидя (лозим бўлади)} (Бақара 196). (Каъб) деди: Мен у зотнинг ҳузурларига келдим, (у зот): «Яқинроқ кел», дедилар. Мен яқинлашдим. (У зот яна): «Яқинроқ кел», дедилар. Мен яқинлашдим. Шунда Расулуллоҳ ﷺ: «Ҳашаротларинг сени безовта қиляптими?» дедилар. Ибн Авн: «Ўйлашимча, (Каъб): ‹Ҳа›, деди», дейди. (Каъб) деди: Сўнг (у зот) менга рўза ёки садақа ёхуд қурбонлик (кўринишидаги) — қайси бири осон бўлса — фидя беришни буюрдилар.