Ibn Umar (roziyallohu anhumo)dan rivoyat qilinadi: Fath (Makka fathi) kuni Rasululloh ﷺ keldilar va Kaʼbaning hovlisiga tushdilar, soʻng Usmon ibn Talhaga (odam) yuborib chaqirtirdilar, u kalitni olib keldi va eshikni ochdi. (Ibn Umar) dedi: Soʻng Nabiy ﷺ, Bilol, Usoma ibn Zayd va Usmon ibn Talha (ichkariga) kirdilar, (Rasululloh) eshikni (yopishni) buyurdilar, u yopildi. Ular u yerda ancha vaqt turdilar, soʻng eshik ochildi. Abdulloh (ibn Umar) dedi: Men odamlardan oldin yugurib bordim va chiqib kelayotgan Rasululloh ﷺ ni qarshi oldim, Bilol ham u zotning izidan (kelayotgan) edi. Bilolga: «Rasululloh ﷺ u yerda namoz oʻqidilarmi?» dedim. U: «Ha», dedi. Men: «Qayerda?» dedim. U: «Yuzlari roʻparasidagi ikki ustun orasida», dedi. (Ibn Umar) dedi: Necha (rakaat) namoz oʻqiganlarini soʻrashni unutibman.Ибн Умар (розияллоҳу анҳумо)дан ривоят қилинади: Фатҳ (Макка фатҳи) куни Расулуллоҳ ﷺ келдилар ва Каъбанинг ҳовлисига тушдилар, сўнг Усмон ибн Талҳага (одам) юбориб чақиртирдилар, у калитни олиб келди ва эшикни очди. (Ибн Умар) деди: Сўнг Набий ﷺ, Билол, Усома ибн Зайд ва Усмон ибн Талҳа (ичкарига) кирдилар, (Расулуллоҳ) эшикни (ёпишни) буюрдилар, у ёпилди. Улар у ерда анча вақт турдилар, сўнг эшик очилди. Абдуллоҳ (ибн Умар) деди: Мен одамлардан олдин югуриб бордим ва чиқиб келаётган Расулуллоҳ ﷺ ни қарши олдим, Билол ҳам у зотнинг изидан (келаётган) эди. Билолга: «Расулуллоҳ ﷺ у ерда намоз ўқидиларми?» дедим. У: «Ҳа», деди. Мен: «Қаерда?» дедим. У: «Юзлари рўпарасидаги икки устун орасида», деди. (Ибн Умар) деди: Неча (ракаат) намоз ўқиганларини сўрашни унутибман.