Jobir ibn Abdulloh (roziyallohu anhumo)dan rivoyat qilinadiki, u oʻzining charchab qolgan tuyasi ustida yurib borardi va uni (boʻsh) qoʻyib yubormoqchi boʻldi. (Jobir) dedi: Shunda Nabiy ﷺ menga yetib oldilar-da, men uchun duo qildilar va uni (tuyani) urdilar, shunda u oʻxshashi yoʻq bir tarzda yurib ketdi. (U zot): «Buni menga bir uqiyaga sotgin», dedilar. Men: «Yoʻq», dedim. Soʻng u zot: «Buni menga sotgin», dedilar. Shunda men uni bir uqiyaga sotdim va oilamga yetib olgunimcha unga minib borishni oʻzimga shart qilib qoʻydim. (Manzilga) yetib borganimda, tuyani u zotga olib keldim, u zot menga uning narxini naqd berdilar. Soʻng men qaytdim. Shunda u zot orqamdan (kishi) yubordilar va: «Tuyangni olish uchun sen bilan savdolashdim deb oʻylaysanmi? Tuyangni ham, dirhamlaringni ham ol — u senikidir», dedilar.Жобир ибн Абдуллоҳ (розияллоҳу анҳумо)дан ривоят қилинадики, у ўзининг чарчаб қолган туяси устида юриб борарди ва уни (бўш) қўйиб юбормоқчи бўлди. (Жобир) деди: Шунда Набий ﷺ менга етиб олдилар-да, мен учун дуо қилдилар ва уни (туяни) урдилар, шунда у ўхшаши йўқ бир тарзда юриб кетди. (У зот): «Буни менга бир уқияга сотгин», дедилар. Мен: «Йўқ», дедим. Сўнг у зот: «Буни менга сотгин», дедилар. Шунда мен уни бир уқияга сотдим ва оиламга етиб олгунимча унга миниб боришни ўзимга шарт қилиб қўйдим. (Манзилга) етиб борганимда, туяни у зотга олиб келдим, у зот менга унинг нархини нақд бердилар. Сўнг мен қайтдим. Шунда у зот орқамдан (киши) юбордилар ва: «Туянгни олиш учун сен билан савдолашдим деб ўйлайсанми? Туянгни ҳам, дирҳамларингни ҳам ол — у сеникидир», дедилар.