Jobir ibn Abdulloh (roziyallohu anhumo)dan rivoyat qilinadi. U dedi: Biz Rasululloh ﷺ bilan birga Makkadan Madinaga qaytib kelardik, shunda tuyam kasal boʻlib qoldi. Va u (roviy) hadisni oʻz qissasi bilan keltirdi. Unda (shunday deyildi): Soʻng u zot menga: «Mana shu tuyangni menga sot», dedilar. Men: «Yoʻq, balki u sizniki (bekorga)», dedim. U zot: «Yoʻq, balki uni menga sotgin», dedilar. Men: «Yoʻq, balki u sizniki, yo Rasululloh», dedim. U zot: «Yoʻq, balki uni menga sotgin», dedilar. Men: «Bir kishining menda bir uqiya oltini bor (qarzim bor); u (tuya) shu (uqiya) evaziga sizniki boʻlsin», dedim. U zot: «Uni oldim, endi unga minib Madinaga yetib bor», dedilar. (Jobir) dedi: Madinaga yetib kelganimda, Rasululloh ﷺ Bilolga: «Unga bir uqiya oltin ber va unga ziyoda ham qil», dedilar. (Jobir) dedi: U menga bir uqiya oltin berdi va menga bir qirot ziyoda qildi. (Jobir) dedi: Men: «Rasululloh ﷺ ning ziyodasi mendan ayrilmasin», dedim. (Jobir) dedi: U mening hamyonimda edi, soʻng uni Harra kuni shomliklar (oldi) olib ketdi.Жобир ибн Абдуллоҳ (розияллоҳу анҳумо)дан ривоят қилинади. У деди: Биз Расулуллоҳ ﷺ билан бирга Маккадан Мадинага қайтиб келардик, шунда туям касал бўлиб қолди. Ва у (ровий) ҳадисни ўз қиссаси билан келтирди. Унда (шундай дейилди): Сўнг у зот менга: «Мана шу туянгни менга сот», дедилар. Мен: «Йўқ, балки у сизники (бекорга)», дедим. У зот: «Йўқ, балки уни менга сотгин», дедилар. Мен: «Йўқ, балки у сизники, ё Расулуллоҳ», дедим. У зот: «Йўқ, балки уни менга сотгин», дедилар. Мен: «Бир кишининг менда бир уқия олтини бор (қарзим бор); у (туя) шу (уқия) эвазига сизники бўлсин», дедим. У зот: «Уни олдим, энди унга миниб Мадинага етиб бор», дедилар. (Жобир) деди: Мадинага етиб келганимда, Расулуллоҳ ﷺ Билолга: «Унга бир уқия олтин бер ва унга зиёда ҳам қил», дедилар. (Жобир) деди: У менга бир уқия олтин берди ва менга бир қирот зиёда қилди. (Жобир) деди: Мен: «Расулуллоҳ ﷺ нинг зиёдаси мендан айрилмасин», дедим. (Жобир) деди: У менинг ҳамёнимда эди, сўнг уни Ҳарра куни шомликлар (олди) олиб кетди.