وَحَدَّثَنَا مُحَمَّدُ بْنُ عَبْدِ اللَّهِ بْنِ نُمَيْرٍ، وَزُهَيْرُ بْنُ حَرْبٍ، وَأَبُو سَعِيدٍ الأَشَجُّ - وَتَقَارَبُوا فِي اللَّفْظِ - قَالُوا حَدَّثَنَا وَكِيعٌ، حَدَّثَنَا الأَعْمَشُ، عَنْ سَعْدِ بْنِ عُبَيْدَةَ، عَنْ أَبِي عَبْدِ الرَّحْمَنِ، عَنْ عَلِيٍّ، قَالَ بَعَثَ رَسُولُ اللَّهِ صلى الله عليه وسلم سَرِيَّةً وَاسْتَعْمَلَ عَلَيْهِمْ رَجُلاً مِنَ الأَنْصَارِ وَأَمَرَهُمْ أَنْ يَسْمَعُوا لَهُ وَيُطِيعُوا فَأَغْضَبُوهُ فِي شَىْءٍ فَقَالَ اجْمَعُوا لِي حَطَبًا . فَجَمَعُوا لَهُ ثُمَّ قَالَ أَوْقِدُوا نَارًا . فَأَوْقَدُوا ثُمَّ قَالَ أَلَمْ يَأْمُرْكُمْ رَسُولُ اللَّهِ صلى الله عليه وسلم أَنْ تَسْمَعُوا لِي وَتُطِيعُوا قَالُوا بَلَى . قَالَ فَادْخُلُوهَا . قَالَ فَنَظَرَ بَعْضُهُمْ إِلَى بَعْضٍ فَقَالُوا إِنَّمَا فَرَرْنَا إِلَى رَسُولِ اللَّهِ صلى الله عليه وسلم مِنَ النَّارِ . فَكَانُوا كَذَلِكَ وَسَكَنَ غَضَبُهُ وَطُفِئَتِ النَّارُ فَلَمَّا رَجَعُوا ذَكَرُوا ذَلِكَ لِلنَّبِيِّ صلى الله عليه وسلم فَقَالَ " لَوْ دَخَلُوهَا مَا خَرَجُوا مِنْهَا إِنَّمَا الطَّاعَةُ فِي الْمَعْرُوفِ " .
Ali (roziyallohu anhu)dan rivoyat qilinadi: Rasululloh ﷺ bir sariya (kichik qoʻshin) joʻnatib, ularning ustiga ansorlardan bir kishini amir qildilar va ularga unga quloq solib, itoat qilishni buyurdilar. (Askarlar) bir ish bilan uni gʻazablantirib qoʻyishdi. Shunda u: «Menga oʻtin yigʻinglar», dedi. Ular unga (oʻtin) yigʻishdi. Soʻng u: «Olov yoqinglar», dedi. Ular yoqishdi. Soʻng u: «Rasululloh ﷺ sizlarga menga quloq solib, itoat qilishni buyurmaganmidilar?» dedi. Ular: «Albatta (buyurganlar)», deyishdi. U: «Unday boʻlsa, unga (olovga) kiringlar», dedi. Shunda ular bir-biriga qarashib: «Biz Rasululloh ﷺ ga oʻtdan qochib (panoh izlab) kelganmiz-ku», deyishdi. Ular shu (holat)da turishdi, (amirning) gʻazabi bosildi va olov oʻchdi. Qaytib kelishganida, buni Nabiy ﷺ ga zikr qilishdi. Shunda u zot: «Agar unga kirganlarida, undan chiqmas edilar. Itoat faqat maʼrufda (yaxshi ishda)dir», dedilar.Али (розияллоҳу анҳу)дан ривоят қилинади: Расулуллоҳ ﷺ бир сария (кичик қўшин) жўнатиб, уларнинг устига ансорлардан бир кишини амир қилдилар ва уларга унга қулоқ солиб, итоат қилишни буюрдилар. (Аскарлар) бир иш билан уни ғазаблантириб қўйишди. Шунда у: «Менга ўтин йиғинглар», деди. Улар унга (ўтин) йиғишди. Сўнг у: «Олов ёқинглар», деди. Улар ёқишди. Сўнг у: «Расулуллоҳ ﷺ сизларга менга қулоқ солиб, итоат қилишни буюрмаганмидилар?» деди. Улар: «Албатта (буюрганлар)», дейишди. У: «Ундай бўлса, унга (оловга) киринглар», деди. Шунда улар бир-бирига қарашиб: «Биз Расулуллоҳ ﷺ га ўтдан қочиб (паноҳ излаб) келганмиз-ку», дейишди. Улар шу (ҳолат)да туришди, (амирнинг) ғазаби босилди ва олов ўчди. Қайтиб келишганида, буни Набий ﷺ га зикр қилишди. Шунда у зот: «Агар унга кирганларида, ундан чиқмас эдилар. Итоат фақат маъруфда (яхши ишда)дир», дедилар.