Adiy ibn Hotim (roziyallohu anhu)dan rivoyat qilinadi: Men: «Yo Rasululloh! Men oʻrgatilgan itlarni (ov uchun) yuboraman, ular men uchun (ovni) ushlab beradilar, men ularga Allohning nomini zikr qilaman (Bismilloh deyman)», dedim. Shunda u zot: «Oʻrgatilgan itingni yuborib, unga Allohning nomini zikr qilgan boʻlsang, (ovdan) yeb ol», dedilar. Men: «Agar (itlar ovni) oʻldirib qoʻysalar ham (yeyaveramanmi)?» dedim. U zot: «Ular oʻldirib qoʻysalar ham (yeyaver), agar oʻzing yubormagan boshqa it ularga qoʻshilib ketmagan boʻlsa», dedilar. Men unga: «Men ovni meʼroz (uchli boʻlmagan ogʻir oʻq) bilan otaman va (ovni) urib olaman», dedim. Shunda u zot: «Meʼroz bilan otib, (ovni) uning oʻtkir uchi yorib oʻtsa, uni yeb ol; agar uni enlik (yon) tomoni bilan ursa, uni yema», dedilar.Адий ибн Ҳотим (розияллоҳу анҳу)дан ривоят қилинади: Мен: «Ё Расулуллоҳ! Мен ўргатилган итларни (ов учун) юбораман, улар мен учун (овни) ушлаб берадилар, мен уларга Аллоҳнинг номини зикр қиламан (Бисмиллоҳ дейман)», дедим. Шунда у зот: «Ўргатилган итингни юбориб, унга Аллоҳнинг номини зикр қилган бўлсанг, (овдан) еб ол», дедилар. Мен: «Агар (итлар овни) ўлдириб қўйсалар ҳам (еявераманми)?» дедим. У зот: «Улар ўлдириб қўйсалар ҳам (еявер), агар ўзинг юбормаган бошқа ит уларга қўшилиб кетмаган бўлса», дедилар. Мен унга: «Мен овни меъроз (учли бўлмаган оғир ўқ) билан отаман ва (овни) уриб оламан», дедим. Шунда у зот: «Меъроз билан отиб, (овни) унинг ўткир учи ёриб ўтса, уни еб ол; агар уни энлик (ён) томони билан урса, уни ема», дедилар.