Ibn Abbos (roziyallohu anhumo)dan rivoyat qilinadi: {Buni (tezroq oʻqib) olish uchun tilingni unga junbushlantirma} (Qiyomat 16) degan soʻzi haqida u aytdi: «Nabiy ﷺ vahiy nozil boʻlishida ogʻir mashaqqat chekar va lablarini junbushlantirar edilar». — Ibn Abbos menga: «Men ularni (lablarni) Rasululloh ﷺ junbushlantirganlaridek junbushlantiraman», dedi. Said esa: «Men ularni Ibn Abbos junbushlantirganidek junbushlantiraman», dedi-da, lablarini junbushlantirdi. — «Shunda Alloh taolo {Buni (tezroq oʻqib) olish uchun tilingni unga junbushlantirma. Albatta, uni jamlash va qiroat qildirish Bizning zimmamizdadir} (Qiyomat 16-17) — degan oyatni nozil qildi». U aytdi: «(Yaʼni) uni sening koʻksingda jamlash, soʻngra sen uni oʻqiysan; {Bas, Biz uni oʻqiganimizda, sen uning qiroatiga ergash} (Qiyomat 18) — aytdi: bas, quloq sol va jim tur, soʻngra uni oʻqishing Bizning zimmamizdadir». U aytdi: «Bas, Rasululloh ﷺ ga Jabroil kelganda, unga quloq solib tinglar, Jabroil ketgach esa, Nabiy ﷺ uni (Jabroil) oʻqiganidek oʻqir edilar».Ибн Аббос (розияллоҳу анҳумо)дан ривоят қилинади: {Буни (тезроқ ўқиб) олиш учун тилингни унга жунбушлантирма} (Қиёмат 16) деган сўзи ҳақида у айтди: «Набий ﷺ ваҳий нозил бўлишида оғир машаққат чекар ва лабларини жунбушлантирар эдилар». — Ибн Аббос менга: «Мен уларни (лабларни) Расулуллоҳ ﷺ жунбушлантирганларидек жунбушлантираман», деди. Саид эса: «Мен уларни Ибн Аббос жунбушлантирганидек жунбушлантираман», деди-да, лабларини жунбушлантирди. — «Шунда Аллоҳ таоло {Буни (тезроқ ўқиб) олиш учун тилингни унга жунбушлантирма. Албатта, уни жамлаш ва қироат қилдириш Бизнинг зиммамиздадир} (Қиёмат 16-17) — деган оятни нозил қилди». У айтди: «(Яъни) уни сенинг кўксингда жамлаш, сўнгра сен уни ўқийсан; {Бас, Биз уни ўқиганимизда, сен унинг қироатига эргаш} (Қиёмат 18) — айтди: бас, қулоқ сол ва жим тур, сўнгра уни ўқишинг Бизнинг зиммамиздадир». У айтди: «Бас, Расулуллоҳ ﷺ га Жаброил келганда, унга қулоқ солиб тинглар, Жаброил кетгач эса, Набий ﷺ уни (Жаброил) ўқиганидек ўқир эдилар».