Anas ibn Molik (roziyallohu anhu)dan rivoyat qilinadi: Nabiy ﷺ Ummu Sulaymning uyiga kirib, u (Ummu Sulaym) uyda yoʻq paytida uning toʻshagiga yotib uxlar edilar. Bir kuni u zot kelib, uning toʻshagiga yotib uxladilar. Shunda (Ummu Sulaym) kelganida unga: «Mana Nabiy ﷺ sening uyingda, toʻshagingga yotib uxlayaptilar», — deyildi. U keldi, u zot esa terlagan va terlari toʻshak ustidagi bir parcha teriga toʻplangan edi. (Ummu Sulaym) oʻzining xushboʻylik qutisini ochib, oʻsha terni artib, uni shishalariga siqib quya boshladi. Nabiy ﷺ choʻchib uygʻonib: «Nima qilayapsan, yo Ummu Sulaym?» — dedilar. U: «Yo Rasululloh, biz buning barakasini bolalarimiz uchun umid qilamiz», — dedi. U zot: «Toʻgʻri qilibsan», — dedilar.Анас ибн Молик (розияллоҳу анҳу)дан ривоят қилинади: Набий ﷺ Умму Сулаймнинг уйига кириб, у (Умму Сулайм) уйда йўқ пайтида унинг тўшагига ётиб ухлар эдилар. Бир куни у зот келиб, унинг тўшагига ётиб ухладилар. Шунда (Умму Сулайм) келганида унга: «Мана Набий ﷺ сенинг уйингда, тўшагингга ётиб ухлаяптилар», — дейилди. У келди, у зот эса терлаган ва терлари тўшак устидаги бир парча терига тўпланган эди. (Умму Сулайм) ўзининг хушбўйлик қутисини очиб, ўша терни артиб, уни шишаларига сиқиб қуя бошлади. Набий ﷺ чўчиб уйғониб: «Нима қилаяпсан, ё Умму Сулайм?» — дедилар. У: «Ё Расулуллоҳ, биз бунинг баракасини болаларимиз учун умид қиламиз», — деди. У зот: «Тўғри қилибсан», — дедилар.