Ali ibn Abu Tolib (roziyallohu anhu)dan rivoyat qilinadi: Fotima qoʻl tegirmonini (aylantirish)dan qoʻliga zarar yetganidan shikoyat qildi. Nabiy ﷺ ga (urush) asirlari kelgan edi. U (Fotima) bordi, biroq u zotni topmadi, Oishaga roʻbaru boʻlib, unga (ahvolini) aytdi. Nabiy ﷺ kelganlarida, Oisha u zotga Fotimaning kelganini xabar qildi. Soʻng Nabiy ﷺ huzurimizga keldilar, biz esa joy-joyimizga yotib boʻlgan edik. Biz (oʻrnimizdan) turmoqchi boʻldik, ammo Nabiy ﷺ: «Joy-joyingda (yotaver)», dedilar. U zot ikkovimizning oramizga oʻtirdilar, hatto men u zotning oyoqlarining sovuqligini koʻkragimda sezdim. Soʻng u zot: «Sizlarga oʻzlaringiz soʻragan narsadan koʻra yaxshiroq narsani oʻrgataymi? Joy-joyingizga yotganingizda, Allohga oʻttiz toʻrt marta takbir (Allohu akbar) ayting, unga oʻttiz uch marta tasbeh (Subhaanalloh) ayting va unga oʻttiz uch marta hamd (Alhamdulilloh) ayting, bu sizlar uchun xizmatkordan koʻra yaxshiroqdir», dedilar.Али ибн Абу Толиб (розияллоҳу анҳу)дан ривоят қилинади: Фотима қўл тегирмонини (айлантириш)дан қўлига зарар етганидан шикоят қилди. Набий ﷺ га (уруш) асирлари келган эди. У (Фотима) борди, бироқ у зотни топмади, Оишага рўбару бўлиб, унга (аҳволини) айтди. Набий ﷺ келганларида, Оиша у зотга Фотиманинг келганини хабар қилди. Сўнг Набий ﷺ ҳузуримизга келдилар, биз эса жой-жойимизга ётиб бўлган эдик. Биз (ўрнимиздан) турмоқчи бўлдик, аммо Набий ﷺ: «Жой-жойингда (ётавер)», дедилар. У зот икковимизнинг орамизга ўтирдилар, ҳатто мен у зотнинг оёқларининг совуқлигини кўкрагимда сездим. Сўнг у зот: «Сизларга ўзларингиз сўраган нарсадан кўра яхшироқ нарсани ўргатайми? Жой-жойингизга ётганингизда, Аллоҳга ўттиз тўрт марта такбир (Аллоҳу акбар) айтинг, унга ўттиз уч марта тасбеҳ (Субҳааналлоҳ) айтинг ва унга ўттиз уч марта ҳамд (Алҳамдулиллоҳ) айтинг, бу сизлар учун хизматкордан кўра яхшироқдир», дедилар.