Ali (roziyallohu anhu) aytdi: Fotima (roziyallohu anho) qoʻliga tegirmondan yetgan mashaqqatdan Nabiy ﷺga shikoyat qildi. Shu payt (Nabiy ﷺga) asirlar keltirilgan edi. (Fotima) undan (xizmatkor) soʻragani keldi, biroq u zotni topmadi va buni Oishaga aytdi. Nabiy ﷺ kelganlarida, (Oisha) u zotga xabar berdi. Soʻng biz oʻrinlarimizga yotgan paytimizda u zot huzurimizga keldilar. Biz turmoqchi boʻlgan edik: «Joyingizda qolaveringlar», dedilar. Soʻng kelib, ikkimizning oramizda oʻtirdilar, hatto men oyoqlarining sovuqligini koʻkragimda sezdim. Soʻng: «Sizlar soʻragan narsadan yaxshiroq narsaga sizlarni yoʻllab qoʻyaymi? Oʻrinlaringizga yotganlaringizda, oʻttiz uch marta ‹Subhanalloh›, oʻttiz uch marta ‹Alhamdu lillah› va oʻttiz toʻrt marta ‹Allohu akbar› deb ayting. Bu sizlar uchun xizmatkordan koʻra yaxshiroqdir», dedilar.Али (розияллоҳу анҳу) айтди: Фотима (розияллоҳу анҳо) қўлига тегирмондан етган машаққатдан Набий ﷺга шикоят қилди. Шу пайт (Набий ﷺга) асирлар келтирилган эди. (Фотима) ундан (хизматкор) сўрагани келди, бироқ у зотни топмади ва буни Оишага айтди. Набий ﷺ келганларида, (Оиша) у зотга хабар берди. Сўнг биз ўринларимизга ётган пайтимизда у зот ҳузуримизга келдилар. Биз турмоқчи бўлган эдик: «Жойингизда қолаверинглар», дедилар. Сўнг келиб, иккимизнинг орамизда ўтирдилар, ҳатто мен оёқларининг совуқлигини кўкрагимда сездим. Сўнг: «Сизлар сўраган нарсадан яхшироқ нарсага сизларни йўллаб қўяйми? Ўринларингизга ётганларингизда, ўттиз уч марта ‹Субҳаналлоҳ›, ўттиз уч марта ‹Алҳамду лиллаҳ› ва ўттиз тўрт марта ‹Аллоҳу акбар› деб айтинг. Бу сизлар учун хизматкордан кўра яхшироқдир», дедилар.