حَدَّثَنَا ابْنُ أَبِي عُمَرَ، حَدَّثَنَا سُفْيَانُ، عَنْ أَبِي الزِّنَادِ، عَنِ الأَعْرَجِ، عَنْ أَبِي هُرَيْرَةَ، قَالَ قَالَ رَسُولُ اللَّهِ صلى الله عليه وسلم " احْتَجَّتِ النَّارُ وَالْجَنَّةُ فَقَالَتْ هَذِهِ يَدْخُلُنِي الْجَبَّارُونَ وَالْمُتَكَبِّرُونَ . وَقَالَتْ هَذِهِ يَدْخُلُنِي الضُّعَفَاءُ وَالْمَسَاكِينُ فَقَالَ اللَّهُ عَزَّ وَجَلَّ لِهَذِهِ أَنْتِ عَذَابِي أُعَذِّبُ بِكِ مَنْ أَشَاءُ - وَرُبَّمَا قَالَ أُصِيبُ بِكِ مَنْ أَشَاءُ - وَقَالَ لِهَذِهِ أَنْتِ رَحْمَتِي أَرْحَمُ بِكِ مَنْ أَشَاءُ وَلِكُلِّ وَاحِدَةٍ مِنْكُمَا مِلْؤُهَا " .
Abu Hurayra (roziyallohu anhu)dan rivoyat qilinadi: Rasululloh ﷺ: «Doʻzax va jannat bahslashdilar. Bu (doʻzax): ‹Mening ichimga jabbor (zoʻravon)lar va mutakabbir (kibrli)lar kiradi› — dedi. Bu (jannat) esa: ‹Mening ichimga zaiflar va miskinlar kiradi› — dedi. Shunda aziz va jalil Alloh bunga (doʻzaxga): ‹Sen Mening azobimsan, sen orqali xohlagan kishimni azoblayman› — dedi» — baʼzan u (rovi): «sen orqali xohlagan kishimga (musibat) yetkazaman» dedi — «va bunga (jannatga): ‹Sen Mening rahmatimsan, sen orqali xohlagan kishimga rahm qilaman; ikkovingizdan har biringizni toʻ ldiradigan (narsa) bordir› — dedi», — dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Дўзах ва жаннат баҳслашдилар. Бу (дўзах): ‹Менинг ичимга жаббор (зўравон)лар ва мутакаббир (кибрли)лар киради› — деди. Бу (жаннат) эса: ‹Менинг ичимга заифлар ва мискинлар киради› — деди. Шунда азиз ва жалил Аллоҳ бунга (дўзахга): ‹Сен Менинг азобимсан, сен орқали хоҳлаган кишимни азоблайман› — деди» — баъзан у (рови): «сен орқали хоҳлаган кишимга (мусибат) етказаман» деди — «ва бунга (жаннатга): ‹Сен Менинг раҳматимсан, сен орқали хоҳлаган кишимга раҳм қиламан; икковингиздан ҳар бирингизни тў лдирадиган (нарса) бордир› — деди», — дедилар.