حَدَّثَنَا مُحَمَّدُ بْنُ مِهْرَانَ الرَّازِيُّ، حَدَّثَنَا الْوَلِيدُ بْنُ مُسْلِمٍ، حَدَّثَنَا الأَوْزَاعِيُّ، حَدَّثَنِي عَبْدَةُ، عَنْ زِرٍّ، قَالَ سَمِعْتُ أُبَىَّ بْنَ كَعْبٍ، يَقُولُ - وَقِيلَ لَهُ إِنَّ عَبْدَ اللَّهِ بْنَ مَسْعُودٍ يَقُولُ مَنْ قَامَ السَّنَةَ أَصَابَ لَيْلَةَ الْقَدْرِ - فَقَالَ أُبَىٌّ وَاللَّهِ الَّذِي لاَ إِلَهَ إِلاَّ هُوَ إِنَّهَا لَفِي رَمَضَانَ - يَحْلِفُ مَا يَسْتَثْنِي - وَوَاللَّهِ إِنِّي لأَعْلَمُ أَىُّ لَيْلَةٍ هِيَ . هِيَ اللَّيْلَةُ الَّتِي أَمَرَنَا بِهَا رَسُولُ اللَّهِ صلى الله عليه وسلم بِقِيَامِهَا هِيَ لَيْلَةُ صَبِيحَةِ سَبْعٍ وَعِشْرِينَ وَأَمَارَتُهَا أَنْ تَطْلُعَ الشَّمْسُ فِي صَبِيحَةِ يَوْمِهَا بَيْضَاءَ لاَ شُعَاعَ لَهَا .
Ubay ibn Kaʼb (roziyallohu anhu)dan rivoyat qilinadi: unga: «Abdulloh ibn Masʼud, kim yil (boʻyi tunlari) qiyomda tursa, Laylatul-qadrga erishadi, deydi», deyilganda — Ubay: «Oʻzidan oʻzga iloh boʻlmagan Alloh bilan qasam, albatta u (Laylatul-qadr) Ramazondadir — u istisnosiz qasam ichardi — va Alloh bilan qasamki, men u qaysi kecha ekanini bilaman. U Rasululloh ﷺ bizni qiyomida turishga buyurgan kechadir, u yigirma yettinchining tongi boʻlmish kechadir. Uning alomati shuki, oʻsha kunning tongida quyosh nuri (taratmay) oppoq holda chiqadi», dedi.Убай ибн Каъб (розияллоҳу анҳу)дан ривоят қилинади: унга: «Абдуллоҳ ибн Масъуд, ким йил (бўйи тунлари) қиёмда турса, Лайлатул-қадрга эришади, дейди», дейилганда — Убай: «Ўзидан ўзга илоҳ бўлмаган Аллоҳ билан қасам, албатта у (Лайлатул-қадр) Рамазондадир — у истисносиз қасам ичарди — ва Аллоҳ билан қасамки, мен у қайси кеча эканини биламан. У Расулуллоҳ ﷺ бизни қиёмида туришга буюрган кечадир, у йигирма еттинчининг тонги бўлмиш кечадир. Унинг аломати шуки, ўша куннинг тонгида қуёш нури (таратмай) оппоқ ҳолда чиқади», деди.