حَدَّثَنِي يَحْيَى، عَنْ مَالِكٍ، عَنْ عَبْدِ اللَّهِ بْنِ عَبْدِ اللَّهِ بْنِ جَابِرِ بْنِ عَتِيكٍ، عَنْ عَتِيكِ بْنِ الْحَارِثِ، - وَهُوَ جَدُّ عَبْدِ اللَّهِ بْنِ عَبْدِ اللَّهِ بْنِ جَابِرٍ أَبُو أُمِّهِ - أَنَّهُ أَخْبَرَهُ أَنَّ جَابِرَ بْنَ عَتِيكٍ أَخْبَرَهُ أَنَّ رَسُولَ اللَّهِ صلى الله عليه وسلم جَاءَ يَعُودُ عَبْدَ اللَّهِ بْنَ ثَابِتٍ فَوَجَدَهُ قَدْ غُلِبَ عَلَيْهِ فَصَاحَ بِهِ فَلَمْ يُجِبْهُ فَاسْتَرْجَعَ رَسُولُ اللَّهِ صلى الله عليه وسلم وَقَالَ " غُلِبْنَا عَلَيْكَ يَا أَبَا الرَّبِيعِ " . فَصَاحَ النِّسْوَةُ وَبَكَيْنَ فَجَعَلَ جَابِرٌ يُسَكِّتُهُنَّ . فَقَالَ رَسُولُ اللَّهِ صلى الله عليه وسلم " دَعْهُنَّ فَإِذَا وَجَبَ فَلاَ تَبْكِيَنَّ بَاكِيَةٌ " . قَالُوا يَا رَسُولَ اللَّهِ وَمَا الْوُجُوبُ قَالَ " إِذَا مَاتَ " . فَقَالَتِ ابْنَتُهُ وَاللَّهِ إِنْ كُنْتُ لأَرْجُو أَنْ تَكُونَ شَهِيدًا فَإِنَّكَ كُنْتَ قَدْ قَضَيْتَ جِهَازَكَ . فَقَالَ رَسُولُ اللَّهِ صلى الله عليه وسلم " إِنَّ اللَّهَ قَدْ أَوْقَعَ أَجْرَهُ عَلَى قَدْرِ نِيَّتِهِ وَمَا تَعُدُّونَ الشَّهَادَةَ " . قَالُوا الْقَتْلُ فِي سَبِيلِ اللَّهِ . فَقَالَ رَسُولُ اللَّهِ صلى الله عليه وسلم " الشُّهَدَاءُ سَبْعَةٌ سِوَى الْقَتْلِ فِي سَبِيلِ اللَّهِ الْمَطْعُونُ شَهِيدٌ وَالْغَرِقُ شَهِيدٌ وَصَاحِبُ ذَاتِ الْجَنْبِ شَهِيدٌ وَالْمَبْطُونُ شَهِيدٌ وَالْحَرِقُ شَهِيدٌ وَالَّذِي يَمُوتُ تَحْتَ الْهَدْمِ شَهِيدٌ وَالْمَرْأَةُ تَمُوتُ بِجُمْعٍ شَهِيدٌ " .
Jobir ibn Atikdan rivoyat qilinishicha, Rasululloh ﷺ Abdulloh ibn Sobitni yoʻqlab keldilar va uni behush (jon berayotgan) holatda topdilar. U zot unga xitob qildilar, ammo u javob bermadi. Shunda Rasululloh ﷺ ‹Innaa lillaahi va innaa ilayhi rojiʼun›ni aytdilar va: «Sizdan mahrum boʻlmoqdamiz, ey Abu Rabiʼ», dedilar. Ayollar dod solib yigʻlashdi, Jobir esa ularni tinchlantira boshladi. Rasululloh ﷺ: «Ularni qoʻy. (Ammo oʻlim) vojib boʻlganda hech bir yigʻlovchi yigʻlamasin», dedilar. Ular: «Ey Rasululloh, vujub (vojib boʻlish) nima?» dedilar. U zot: «U vafot etganda», dedilar. Uning qizi: «Allohga qasamki, men sizning shahid boʻlishingizni umid qilgan edim, chunki siz jang tayyorgarligingizni battamom qilgan edingiz», dedi. Shunda Rasululloh ﷺ: «Alloh uning ajrini niyatiga qarab (belgilab) tushirdi. Sizlar shahidlikni nima deb hisoblaysizlar?» dedilar. Ular: «Alloh yoʻlida oʻldirilishni», dedilar. Rasululloh ﷺ: «Alloh yoʻlida oʻldirilishdan tashqari, shahidlar yettitadir: toun (vabo)dan oʻlgan — shahid, gʻarq boʻlgan — shahid, zotuljanb (oʻpka pardasi) kasalidan oʻlgan — shahid, qorin kasaliga chalinib oʻlgan — shahid, kuyib oʻlgan — shahid, (bino) qulab, tagida qolib oʻlgan — shahid va tugʻruq (bola koʻtargan) holida oʻlgan ayol — shahiddir», dedilar.Жобир ибн Атикдан ривоят қилинишича, Расулуллоҳ ﷺ Абдуллоҳ ибн Собитни йўқлаб келдилар ва уни беҳуш (жон бераётган) ҳолатда топдилар. У зот унга хитоб қилдилар, аммо у жавоб бермади. Шунда Расулуллоҳ ﷺ ‹Иннаа лиллааҳи ва иннаа илайҳи рожиъун›ни айтдилар ва: «Сиздан маҳрум бўлмоқдамиз, эй Абу Рабиъ», дедилар. Аёллар дод солиб йиғлашди, Жобир эса уларни тинчлантира бошлади. Расулуллоҳ ﷺ: «Уларни қўй. (Аммо ўлим) вожиб бўлганда ҳеч бир йиғловчи йиғламасин», дедилар. Улар: «Эй Расулуллоҳ, вужуб (вожиб бўлиш) нима?» дедилар. У зот: «У вафот этганда», дедилар. Унинг қизи: «Аллоҳга қасамки, мен сизнинг шаҳид бўлишингизни умид қилган эдим, чунки сиз жанг тайёргарлигингизни баттамом қилган эдингиз», деди. Шунда Расулуллоҳ ﷺ: «Аллоҳ унинг ажрини ниятига қараб (белгилаб) туширди. Сизлар шаҳидликни нима деб ҳисоблайсизлар?» дедилар. Улар: «Аллоҳ йўлида ўлдирилишни», дедилар. Расулуллоҳ ﷺ: «Аллоҳ йўлида ўлдирилишдан ташқари, шаҳидлар еттитадир: тоун (вабо)дан ўлган — шаҳид, ғарқ бўлган — шаҳид, зотулжанб (ўпка пардаси) касалидан ўлган — шаҳид, қорин касалига чалиниб ўлган — шаҳид, куйиб ўлган — шаҳид, (бино) қулаб, тагида қолиб ўлган — шаҳид ва туғруқ (бола кўтарган) ҳолида ўлган аёл — шаҳиддир», дедилар.