وَحَدَّثَنِي عَنْ مَالِكٍ، عَنِ الْعَلاَءِ بْنِ عَبْدِ الرَّحْمَنِ، عَنْ أَبِيهِ، عَنْ أَبِي هُرَيْرَةَ، أَنَّ رَسُولَ اللَّهِ صلى الله عليه وسلم خَرَجَ إِلَى الْمَقْبُرَةِ فَقَالَ " السَّلاَمُ عَلَيْكُمْ دَارَ قَوْمٍ مُؤْمِنِينَ وَإِنَّا إِنْ شَاءَ اللَّهُ بِكُمْ لاَحِقُونَ وَدِدْتُ أَنِّي قَدْ رَأَيْتُ إِخْوَانَنَا " . فَقَالُوا يَا رَسُولَ اللَّهِ أَلَسْنَا بِإِخْوَانِكَ قَالَ " بَلْ أَنْتُمْ أَصْحَابِي وَإِخْوَانُنَا الَّذِينَ لَمْ يَأْتُوا بَعْدُ وَأَنَا فَرَطُهُمْ عَلَى الْحَوْضِ " . فَقَالُوا يَا رَسُولَ اللَّهِ كَيْفَ تَعْرِفُ مَنْ يَأْتِي بَعْدَكَ مِنْ أُمَّتِكَ قَالَ " أَرَأَيْتَ لَوْ كَانَ لِرَجُلٍ خَيْلٌ غُرٌّ مُحَجَّلَةٌ فِي خَيْلٍ دُهْمٍ بُهْمٍ أَلاَ يَعْرِفُ خَيْلَهُ " . قَالُوا بَلَى يَا رَسُولَ اللَّهِ . قَالَ " فَإِنَّهُمْ يَأْتُونَ يَوْمَ الْقِيَامَةِ غُرًّا مُحَجَّلِينَ مِنَ الْوُضُوءِ وَأَنَا فَرَطُهُمْ عَلَى الْحَوْضِ فَلاَ يُذَادَنَّ رِجَالٌ عَنْ حَوْضِي كَمَا يُذَادُ الْبَعِيرُ الضَّالُّ أُنَادِيهِمْ أَلاَ هَلُمَّ أَلاَ هَلُمَّ أَلاَ هَلُمَّ فَيُقَالُ إِنَّهُمْ قَدْ بَدَّلُوا بَعْدَكَ فَأَقُولُ فَسُحْقًا فَسُحْقًا فَسُحْقًا " .
Abu Hurayra (roziyallohu anhu)dan rivoyat qilinadiki, Rasululloh ﷺ qabristonga chiqib: «Assalomu alaykum, ey moʻmin qavmning diyori! Alloh xohlasa, biz ham sizlarga qoʻshiluvchimiz. Birodarlarimizni koʻrishni juda istardim!» dedilar. Yonlaridagilar: «Yo Rasululloh, biz sizning birodarlaringiz emasmizmi?» dedilar. U zot: «Yoʻq, sizlar mening sahobalarimsiz. Birodarlarimiz esa hali kelmagan (keyingi) kishilardir, men ular uchun Havzda (kutib) turaman», dedilar. Ular: «Yo Rasululloh, ummatingizdan keyin keladiganlarni qanday tanaysiz?» dedilar. U zot: «Aytingchi, bir kishining qop-qora otlar orasida peshanasi va oyoqlari oq boʻlgan otlari boʻlsa, u oʻz otlarini tanimaydimi?» dedilar. Ular: «Albatta (tanaydi), yo Rasululloh», dedilar. U zot: «Ana shunday, ular Qiyomat kunida tahorat (asari)dan peshanalari, qoʻl-oyoqlari oppoq nurli holda keladilar, men esa ular uchun Havzda (kutib) turaman. (Oʻsha kuni) bir qancha kishilar Havzimdan xuddi adashgan tuya haydalgandek haydaladilar. Men ularni: ‹Beri kelinglar! Beri kelinglar! Beri kelinglar!› deb chaqiraman. Shunda: ‹Ular sizdan keyin (dinni) oʻzgartirdilar›, deyiladi. Men esa: ‹Undoq boʻlsa, yiroq boʻlsin, yiroq boʻlsin, yiroq boʻlsin!› deyman», dedilar.Абу Ҳурайра (розияллоҳу анҳу)дан ривоят қилинадики, Расулуллоҳ ﷺ қабристонга чиқиб: «Ассалому алайкум, эй мўмин қавмнинг диёри! Аллоҳ хоҳласа, биз ҳам сизларга қўшилувчимиз. Биродарларимизни кўришни жуда истардим!» дедилар. Ёнларидагилар: «Ё Расулуллоҳ, биз сизнинг биродарларингиз эмасмизми?» дедилар. У зот: «Йўқ, сизлар менинг саҳобаларимсиз. Биродарларимиз эса ҳали келмаган (кейинги) кишилардир, мен улар учун Ҳавзда (кутиб) тураман», дедилар. Улар: «Ё Расулуллоҳ, умматингиздан кейин келадиганларни қандай танайсиз?» дедилар. У зот: «Айтингчи, бир кишининг қоп-қора отлар орасида пешанаси ва оёқлари оқ бўлган отлари бўлса, у ўз отларини танимайдими?» дедилар. Улар: «Албатта (танайди), ё Расулуллоҳ», дедилар. У зот: «Ана шундай, улар Қиёмат кунида таҳорат (асари)дан пешаналари, қўл-оёқлари оппоқ нурли ҳолда келадилар, мен эса улар учун Ҳавзда (кутиб) тураман. (Ўша куни) бир қанча кишилар Ҳавзимдан худди адашган туя ҳайдалгандек ҳайдаладилар. Мен уларни: ‹Бери келинглар! Бери келинглар! Бери келинглар!› деб чақираман. Шунда: ‹Улар сиздан кейин (динни) ўзгартирдилар›, дейилади. Мен эса: ‹Ундоқ бўлса, йироқ бўлсин, йироқ бўлсин, йироқ бўлсин!› дейман», дедилар.