Molik Rabia ibn Abu Abdurrahmon (rahimahulloh)ning bu haqda Ikrima Ibn Abbosdan rivoyat qilgani kabi aytganini eshitdi. Molik aytdi: «Bu masalada eshitganlarimning ichida menga eng maʼquli shu». Molikdan ifozani unutib, Makkadan chiqib, oʻz yurtiga qaytib ketgan kishi haqida soʻralganda, u dedi: «Menimcha, agar ayollarga yaqinlik qilmagan boʻlsa, qaytib borib ifoza (tavofi)ni qilsin. Agar ayollarga yaqinlik qilgan boʻlsa, qaytib borib ifozani qilsin, soʻng umra qilsin va jonliq (hadiy) soʻysin. Uning hadiyni Makkadan sotib olib, oʻsha yerda soʻyishi durust emas; balki, agar uni umra qilgan joyidan oʻzi bilan olib kelmagan boʻlsa, Makkada sotib olib, soʻng uni Haram tashqarisiga (hillga) chiqarib, oʻsha yerdan Makkaga haydab kelib, shu yerda soʻysin».Молик Рабиа ибн Абу Абдурраҳмон (раҳимаҳуллоҳ)нинг бу ҳақда Икрима Ибн Аббосдан ривоят қилгани каби айтганини эшитди. Молик айтди: «Бу масалада эшитганларимнинг ичида менга энг маъқули шу». Моликдан ифозани унутиб, Маккадан чиқиб, ўз юртига қайтиб кетган киши ҳақида сўралганда, у деди: «Менимча, агар аёлларга яқинлик қилмаган бўлса, қайтиб бориб ифоза (тавофи)ни қилсин. Агар аёлларга яқинлик қилган бўлса, қайтиб бориб ифозани қилсин, сўнг умра қилсин ва жонлиқ (ҳадий) сўйсин. Унинг ҳадийни Маккадан сотиб олиб, ўша ерда сўйиши дуруст эмас; балки, агар уни умра қилган жойидан ўзи билан олиб келмаган бўлса, Маккада сотиб олиб, сўнг уни Ҳарам ташқарисига (ҳиллга) чиқариб, ўша ердан Маккага ҳайдаб келиб, шу ерда сўйсин».