Molikka yetib kelishicha, Abdulloh ibn Abbos (roziyallohu anhumo) shunday derdi: {Hadiydan oson boʻlgani} (Baqara 196) — bu bir qoʻydir. Molik aytdi: «Bu masalada eshitganlarimning ichida menga eng maʼquli shu. Chunki Alloh taboraka va taolo Oʻz Kitobida: {Ey iymon keltirganlar! Ihromda ekaningizda ovni oʻldirmang. Sizlardan kim uni qasddan oʻldirsa, chorva hayvonlaridan oʻzi oʻldirganga oʻxshashini (jazo qilib berish lozim) — buni sizlardan ikki adolatli kishi hukm qiladi — Kaʼbaga yetib boradigan qurbonlik, yoki kafforat sifatida miskinlarga taom berish, yoxud shunga teng roʻza tutish (lozim)} (Moida 95), deydi. Hadiy sifatida hukm qilinadigan narsalardan biri — qoʻydir; Alloh uni hadiy deb atagan, bu esa bizning nazdimizda ixtilofsizdir. Buni qanday qilib kimdir shak keltirsin? Tuya yoki sigir bilan hukm qilishga yetmaydigan har bir narsaning hukmi — qoʻydir; qoʻy bilan hukm qilishga yetmaydigan narsa esa roʻza yoki miskinlarga taom berish koʻrinishidagi kafforatdir».Моликка етиб келишича, Абдуллоҳ ибн Аббос (розияллоҳу анҳумо) шундай дерди: {Ҳадийдан осон бўлгани} (Бақара 196) — бу бир қўйдир. Молик айтди: «Бу масалада эшитганларимнинг ичида менга энг маъқули шу. Чунки Аллоҳ таборака ва таоло Ўз Китобида: {Эй иймон келтирганлар! Иҳромда эканингизда овни ўлдирманг. Сизлардан ким уни қасддан ўлдирса, чорва ҳайвонларидан ўзи ўлдирганга ўхшашини (жазо қилиб бериш лозим) — буни сизлардан икки адолатли киши ҳукм қилади — Каъбага етиб борадиган қурбонлик, ёки каффорат сифатида мискинларга таом бериш, ёхуд шунга тенг рўза тутиш (лозим)} (Моида 95), дейди. Ҳадий сифатида ҳукм қилинадиган нарсалардан бири — қўйдир; Аллоҳ уни ҳадий деб атаган, бу эса бизнинг наздимизда ихтилофсиздир. Буни қандай қилиб кимдир шак келтирсин? Туя ёки сигир билан ҳукм қилишга етмайдиган ҳар бир нарсанинг ҳукми — қўйдир; қўй билан ҳукм қилишга етмайдиган нарса эса рўза ёки мискинларга таом бериш кўринишидаги каффоратдир».