Kufa ahlidan bir kishidan rivoyat qilinadi: Umar ibn al-Xattob (roziyallohu anhu) oʻzi joʻnatgan qoʻshinning amaldoriga (shunday) deb yozdi: «Menga yetdiki, sizlardan baʼzi erkaklar (kofir) dushmanni quvib, u togʻga chiqib panoh topganida, biror kishi: ‹Matras› (yaʼni ‹qoʻrqma› demoqchi boʻlib) deydi-da, unga yetib olgach, uni oʻldiradi. Jonim qoʻlida boʻlgan Zotga qasamki, buni qilgan biror kishini bilsam, boʻynini uzardim». Yahyo aytadi: Men Molikning shunday deganini eshitdim: «Bu hadis (ummat) ittifoq qilgan hadis emas va unga amal qilinmaydi». Molikdan: omonlikni ishora bilan berish soʻz oʻrnida boʻladimi, deb soʻralganda, u: «Ha. Menimcha, qoʻshinlarga: ‹Omonlik ishorasini qilgan hech kimni oʻldirmanglar›, deb (oldindan) buyuriladi, chunki mening nazdimda ishora soʻz oʻrnidadir», dedi. (Molik dedi:) Menga yetishicha, Abdulloh ibn Abbos (roziyallohu anhumo): «Qaysi qavm ahdga xiyonat qilsa, Alloh ularga dushmanni albatta gʻolib qiladi», degan.Куфа аҳлидан бир кишидан ривоят қилинади: Умар ибн ал-Хаттоб (розияллоҳу анҳу) ўзи жўнатган қўшиннинг амалдорига (шундай) деб ёзди: «Менга етдики, сизлардан баъзи эркаклар (кофир) душманни қувиб, у тоғга чиқиб паноҳ топганида, бирор киши: ‹Матрас› (яъни ‹қўрқма› демоқчи бўлиб) дейди-да, унга етиб олгач, уни ўлдиради. Жоним қўлида бўлган Зотга қасамки, буни қилган бирор кишини билсам, бўйнини узардим». Яҳё айтади: Мен Моликнинг шундай деганини эшитдим: «Бу ҳадис (уммат) иттифоқ қилган ҳадис эмас ва унга амал қилинмайди». Моликдан: омонликни ишора билан бериш сўз ўрнида бўладими, деб сўралганда, у: «Ҳа. Менимча, қўшинларга: ‹Омонлик ишорасини қилган ҳеч кимни ўлдирманглар›, деб (олдиндан) буюрилади, чунки менинг наздимда ишора сўз ўрнидадир», деди. (Молик деди:) Менга етишича, Абдуллоҳ ибн Аббос (розияллоҳу анҳумо): «Қайси қавм аҳдга хиёнат қилса, Аллоҳ уларга душманни албатта ғолиб қилади», деган.