Qosim ibn Muhammad (rahimahulloh) aytadi: «Men bir kishining Abdulloh ibn Abbos (roziyallohu anhumo)dan anfol (oʻlja ulushlari) haqida soʻraganini eshitdim. Ibn Abbos: ‹Ot ham nafldandir, salab (oʻljadagi kiyim-yarogʻ) ham nafldandir›, dedi. Soʻng bu kishi savolini takrorladi, Ibn Abbos yana oʻshani (aytdi). Keyin bu kishi: ‹Alloh Oʻz Kitobida (zikr) qilgan anfol nima?› dedi». Qosim aytadi: «U (kishi) toki (Ibn Abbosni) deyarli gʻazablantiradigan darajada soʻrayverdi. Soʻng Ibn Abbos: ‹Bu (kishi)ning misoli nimaga oʻxshashini bilasizmi? Umar ibn al-Xattob urgan Sabigʻning misoliga (oʻxshaydi)›, dedi». (Yahyo) aytadi: Molikdan dushmandan bir (kishi)ni oʻldirgan odam haqida — imomning iznisiz uning oʻljasi uniki boʻladimi, deb soʻralganda, u dedi: «Imomning iznisiz bu hech kimga (tegishli) boʻlmaydi va bu imom tomonidan ham faqat ijtihod yuzasidan boʻladi. Menga Rasululloh ﷺning ‹Kim bir (dushmanni) oʻldirsa, oʻljasi uniki› deganlari faqat Hunayn kunigina yetgan, (boshqa kun emas)».Қосим ибн Муҳаммад (раҳимаҳуллоҳ) айтади: «Мен бир кишининг Абдуллоҳ ибн Аббос (розияллоҳу анҳумо)дан анфол (ўлжа улушлари) ҳақида сўраганини эшитдим. Ибн Аббос: ‹От ҳам нафлдандир, салаб (ўлжадаги кийим-яроғ) ҳам нафлдандир›, деди. Сўнг бу киши саволини такрорлади, Ибн Аббос яна ўшани (айтди). Кейин бу киши: ‹Аллоҳ Ўз Китобида (зикр) қилган анфол нима?› деди». Қосим айтади: «У (киши) токи (Ибн Аббосни) деярли ғазаблантирадиган даражада сўрайверди. Сўнг Ибн Аббос: ‹Бу (киши)нинг мисоли нимага ўхшашини биласизми? Умар ибн ал-Хаттоб урган Сабиғнинг мисолига (ўхшайди)›, деди». (Яҳё) айтади: Моликдан душмандан бир (киши)ни ўлдирган одам ҳақида — имомнинг изнисиз унинг ўлжаси уники бўладими, деб сўралганда, у деди: «Имомнинг изнисиз бу ҳеч кимга (тегишли) бўлмайди ва бу имом томонидан ҳам фақат ижтиҳод юзасидан бўлади. Менга Расулуллоҳ ﷺнинг ‹Ким бир (душманни) ўлдирса, ўлжаси уники› деганлари фақат Ҳунайн кунигина етган, (бошқа кун эмас)».