وَحَدَّثَنِي عَنْ مَالِكٍ، عَنْ أَبِي الزِّنَادِ، عَنْ أَبِي سَلَمَةَ بْنِ عَبْدِ الرَّحْمَنِ، أَنَّ نَاسًا، مِنْ أَهْلِ الْجَارِ قَدِمُوا فَسَأَلُوا مَرْوَانَ بْنَ الْحَكَمِ عَمَّا لَفَظَ الْبَحْرُ فَقَالَ لَيْسَ بِهِ بَأْسٌ وَقَالَ اذْهَبُوا إِلَى زَيْدِ بْنِ ثَابِتٍ وَأَبِي هُرَيْرَةَ فَاسْأَلُوهُمَا عَنْ ذَلِكَ ثُمَّ ائْتُونِي فَأَخْبِرُونِي مَاذَا يَقُولاَنِ فَأَتَوْهُمَا فَسَأَلُوهُمَا فَقَالاَ لاَ بَأْسَ بِهِ . فَأَتَوْا مَرْوَانَ فَأَخْبَرُوهُ . فَقَالَ مَرْوَانُ قَدْ قُلْتُ لَكُمْ . قَالَ مَالِكٌ لاَ بَأْسَ بِأَكْلِ الْحِيتَانِ يَصِيدُهَا الْمَجُوسِيُّ لأَنَّ رَسُولَ اللَّهِ صلى الله عليه وسلم قَالَ فِي الْبَحْرِ " هُوَ الطَّهُورُ مَاؤُهُ الْحِلُّ مَيْتَتُهُ " . قَالَ مَالِكٌ وَإِذَا أُكِلَ ذَلِكَ مَيْتًا فَلاَ يَضُرُّهُ مَنْ صَادَهُ .
Abu Salama ibn Abdurrahmon (rahimahulloh)dan rivoyat qilinadiki, Jor ahlidan baʼzi kishilar kelib, Marvon ibn al-Hakamdan dengiz chiqarib tashlagan (oʻlik) narsa haqida soʻradilar. U: «Unda zarar yoʻq», dedi va: «Zayd ibn Sobit hamda Abu Hurayraning oldiga borib, shu haqda soʻranglar, soʻng menga kelib, ular nima deyishini xabar qilinglar», dedi. Ular ikkovining oldiga borib soʻradilar, ikkovlari: «Unda zarar yoʻq», dedilar. Ular Marvonning oldiga kelib, xabar qildilar. Marvon: «Men sizlarga aytgan edim-ku», dedi. Molik aytdi: «Majusiy ovlagan baliqlarni yeyishda zarar yoʻq, chunki Rasululloh ﷺ dengiz haqida: ‹Uning suvi pok, oʻligi halol›, deganlar». Molik aytdi: «U oʻlik holida yeyilsa, uni kim ovlagani zarar qilmaydi».Абу Салама ибн Абдурраҳмон (раҳимаҳуллоҳ)дан ривоят қилинадики, Жор аҳлидан баъзи кишилар келиб, Марвон ибн ал-Ҳакамдан денгиз чиқариб ташлаган (ўлик) нарса ҳақида сўрадилар. У: «Унда зарар ёʻқ», деди ва: «Зайд ибн Собит ҳамда Абу Ҳурайранинг олдига бориб, шу ҳақда сўранглар, сўнг менга келиб, улар нима дейишини хабар қилинглар», деди. Улар икковининг олдига бориб сўрадилар, икковлари: «Унда зарар ёʻқ», дедилар. Улар Марвоннинг олдига келиб, хабар қилдилар. Марвон: «Мен сизларга айтган эдим-ку», деди. Молик айтди: «Мажусий овлаган балиқларни ейишда зарар ёʻқ, чунки Расулуллоҳ ﷺ денгиз ҳақида: ‹Унинг суви пок, ўлиги ҳалол›, деганлар». Молик айтди: «У ўлик ҳолида ейилса, уни ким овлагани зарар қилмайди».