Molikka yetib kelishicha, Iroqdan Umar ibn al-Xattob (roziyallohu anhu)ga bir kishi xotiniga: «Arqoning boʻyningda (yaʼni oʻz ixtiyoring oʻzingda, ozodsan)» deganligi haqida xat yozildi. Umar ibn al-Xattob oʻz amaliga (voliysiga): «Unga buyur, mavsumda (hajda) Makkada mening oldimga kelsin», deb xat yozdi. Umar Baytni tavof qilib yurganida, oʻsha kishi uni uchratib, salom berdi. Umar: «Sen kimsan?» dedi. U: «Men sen huzuringga keltirilishimni buyurgan kishiman», dedi. Umar unga: «Bu Bino (Kaʼba)ning Robbi bilan soʻrayman, ‹Arqoning boʻyningda› deganing bilan nimani nazarda tutding?» dedi. U kishi unga: «Agar meni bu joydan boshqa yerda qasam ichirganingda, senga rost aytmagan boʻlardim. Men bu bilan (xotinimdan) ajralishni nazarda tutdim», dedi. Umar ibn al-Xattob: «U — sen nazarda tutgan narsadir», dedi.Моликка етиб келишича, Ироқдан Умар ибн ал-Хаттоб (розияллоҳу анҳу)га бир киши хотинига: «Арқонинг бўйнингда (яъни ўз ихтиёринг ўзингда, озодсан)» деганлиги ҳақида хат ёзилди. Умар ибн ал-Хаттоб ўз амалига (волийсига): «Унга буюр, мавсумда (ҳажда) Маккада менинг олдимга келсин», деб хат ёзди. Умар Байтни тавоф қилиб юрганида, ўша киши уни учратиб, салом берди. Умар: «Сен кимсан?» деди. У: «Мен сен ҳузурингга келтирилишимни буюрган кишиман», деди. Умар унга: «Бу Бино (Каъба)нинг Робби билан сўрайман, ‹Арқонинг бўйнингда› деганинг билан нимани назарда тутдинг?» деди. У киши унга: «Агар мени бу жойдан бошқа ерда қасам ичирганингда, сенга рост айтмаган бўлардим. Мен бу билан (хотинимдан) ажралишни назарда тутдим», деди. Умар ибн ал-Хаттоб: «У — сен назарда тутган нарсадир», деди.