Molik (rahimahulloh) Ibn Shihob (rahimahulloh)ning bir kishi xotiniga: «Sen mendan xoli boʻlding, men sendan xoli boʻldim» degani haqida: «Bu al-batta oʻrnida, uch taloqdir», deganini eshitdi. Molik aytdi: «Bir kishi xotiniga: ‹Sen xoliyasan yoki barriyasan yoki boyinasan (ajrab ketgansan)› degani haqida — (bu) qoʻshilgan (chin nikohli) ayol uchun uch taloqdir. Qoʻshilmagan (nikohi jinsiy aloqasiz) ayol borasida esa unga: bittani nazarda tutdingmi yoki uchtanimi, deb qasam ichiriladi. Agar u ‹bitta› desa, shunga qasam ichiriladi va u (boshqa) sovchilar qatorida bir sovchi boʻlib qoladi. Zero, eri qoʻshilgan ayolni faqat uch taloqgina xoli qiladi, ajratadi va boʻshatadi; qoʻshilmagan ayolni esa bittasi xoli qiladi, boʻshatadi va ajratadi». Molik aytdi: «Bu masalada eshitganlarimning eng yaxshisi shudir».Молик (раҳимаҳуллоҳ) Ибн Шиҳоб (раҳимаҳуллоҳ)нинг бир киши хотинига: «Сен мендан холи бўлдинг, мен сендан холи бўлдим» дегани ҳақида: «Бу ал-батта ўрнида, уч талоқдир», деганини эшитди. Молик айтди: «Бир киши хотинига: ‹Сен холиясан ёки барриясан ёки бойинасан (ажраб кетгансан)› дегани ҳақида — (бу) қўшилган (чин никоҳли) аёл учун уч талоқдир. Қўшилмаган (никоҳи жинсий алоқасиз) аёл борасида эса унга: биттани назарда тутдингми ёки учтаними, деб қасам ичирилади. Агар у ‹битта› деса, шунга қасам ичирилади ва у (бошқа) совчилар қаторида бир совчи бўлиб қолади. Зеро, эри қўшилган аёлни фақат уч талоқгина холи қилади, ажратади ва бўшатади; қўшилмаган аёлни эса биттаси холи қилади, бўшатади ва ажратади». Молик айтди: «Бу масалада эшитганларимнинг энг яхшиси шудир».