Molikka yetib kelishicha, Saʼid ibn al-Musayyab, Sulaymon ibn Yasor va Ibn Shihob (rahimahumulloh): «(Mol berib) ajralib olgan ayolning iddasi taloq qilingan ayolning iddasi kabidir — uch qurʼ (hayz)dir», deyishardi. Molik (mol berib) ajralib olgan ayol haqida aytdi: «U eriga faqat yangi nikoh bilangina qaytadi. Agar u (er) unga (qayta) uylanib, soʻng tegishidan avval undan ajralsa, keyingi taloqdan unga idda (vojib) boʻlmaydi va u avvalgi iddasini davom ettiradi». Molik aytdi: «Bu masalada eshitganlarimning eng yaxshisidir». Molik aytdi: «Agar ayol eridan, uni taloq qilishi sharti bilan biror narsa (berib) ajralib olsa, u esa uni ketma-ket, izma-iz taloq qilsa, bu uning zimmasida sobit boʻladi. Agar (taloqlar) orasida sukut (tanaffus) boʻlsa, sukutdan keyin qoʻshgan (taloqlari) hech narsa emas».Моликка етиб келишича, Саъид ибн ал-Мусайяб, Сулаймон ибн Ясор ва Ибн Шиҳоб (раҳимаҳумуллоҳ): «(Мол бериб) ажралиб олган аёлнинг иддаси талоқ қилинган аёлнинг иддаси кабидир — уч қуръ (ҳайз)дир», дейишарди. Молик (мол бериб) ажралиб олган аёл ҳақида айтди: «У эрига фақат янги никоҳ билангина қайтади. Агар у (эр) унга (қайта) уйланиб, сўнг тегишидан аввал ундан ажралса, кейинги талоқдан унга идда (вожиб) бўлмайди ва у аввалги иддасини давом эттиради». Молик айтди: «Бу масалада эшитганларимнинг энг яхшисидир». Молик айтди: «Агар аёл эридан, уни талоқ қилиши шарти билан бирор нарса (бериб) ажралиб олса, у эса уни кетма-кет, изма-из талоқ қилса, бу унинг зиммасида собит бўлади. Агар (талоқлар) орасида сукут (танаффус) бўлса, сукутдан кейин қўшган (талоқлари) ҳеч нарса эмас».