Molikka yetib kelishicha, Abdulloh ibn Masʼud (roziyallohu anhu) «Men nikohlagan har bir ayol taloqdir» degan kishi haqida shunday der edi: Agar u muayyan bir qabila yoki muayyan bir ayolni nomlab aytmagan boʻlsa, uning zimmasida hech narsa yoʻqdir. Molik aytdi: Bu — men eshitganlarning eng yaxshisidir. Molik xotiniga: «Sen taloqsan, men nikohlaydigan har bir ayol taloqdir, agar falon-falon ishni qilmasam, molim sadaqadir», deb, soʻng qasamini buzgan kishi haqida shunday dedi: Xotinlariga kelsak — u aytganidek, taloqdir. «Men nikohlaydigan har bir ayol taloqdir» degan soʻziga kelsak — agar u muayyan bir ayolni, qabilani, yurtni yoki shunga oʻxshashni nomlab aytmagan boʻlsa, bu unga lozim boʻlmaydi va u xohlaganicha uylanaversin. Moliga kelsak — uning uchdan birini sadaqa qilsin.Моликка етиб келишича, Абдуллоҳ ибн Масъуд (розияллоҳу анҳу) «Мен никоҳлаган ҳар бир аёл талоқдир» деган киши ҳақида шундай дер эди: Агар у муайян бир қабила ёки муайян бир аёлни номлаб айтмаган бўлса, унинг зиммасида ҳеч нарса йўқдир. Молик айтди: Бу — мен эшитганларнинг энг яхшисидир. Молик хотинига: «Сен талоқсан, мен никоҳлайдиган ҳар бир аёл талоқдир, агар фалон-фалон ишни қилмасам, молим садақадир», деб, сўнг қасамини бузган киши ҳақида шундай деди: Хотинларига келсак — у айтганидек, талоқдир. «Мен никоҳлайдиган ҳар бир аёл талоқдир» деган сўзига келсак — агар у муайян бир аёлни, қабилани, юртни ёки шунга ўхшашни номлаб айтмаган бўлса, бу унга лозим бўлмайди ва у хоҳлаганича уйланаверсин. Молига келсак — унинг учдан бирини садақа қилсин.