Abu Salama ibn Abdurrahmon (rahimahulloh)dan rivoyat qilinadiki, u shunday dedi: Abdulloh ibn Abbos (roziyallohu anhumo) va Abu Hurayra (roziyallohu anhu)dan eri vafot etgan homilador ayol haqida soʻralganda, Ibn Abbos: «(Iddasi) ikki muddatning eng uzunidir», dedi. Abu Hurayra esa: «Tuqqach, u (turmushga chiqishga) halol boʻladi», dedi. Shunda Abu Salama ibn Abdurrahmon Nabiy ﷺ ning zavjalari Umm Salama (roziyallohu anho)ning huzuriga kirib, bu haqda soʻradi. Umm Salama: «Subayʼa al-Aslamiya eri vafotidan yarim oy oʻtib tugʻdi. Uni ikki kishi — biri yosh, biri keksa — soʻrab keldi. U yosh yigitga moyil boʻldi. Keksa kishi: ‹Sen hali halol boʻlmagansan›, dedi — ayolning ahli yoʻqda edi, u ahli kelganda uni oʻziga (turmushga) berishlaridan umidvor edi. Shunda ayol Rasululloh ﷺ ning oldiga keldi, u zot: ‹Sen halol boʻlding, xohlagan kishingga turmushga chiq›, dedilar», dedi.Абу Салама ибн Абдурраҳмон (раҳимаҳуллоҳ)дан ривоят қилинадики, у шундай деди: Абдуллоҳ ибн Аббос (розияллоҳу анҳумо) ва Абу Ҳурайра (розияллоҳу анҳу)дан эри вафот этган ҳомиладор аёл ҳақида сўралганда, Ибн Аббос: «(Иддаси) икки муддатнинг энг узунидир», деди. Абу Ҳурайра эса: «Туққач, у (турмушга чиқишга) ҳалол бўлади», деди. Шунда Абу Салама ибн Абдурраҳмон Набий ﷺ нинг завжалари Умм Салама (розияллоҳу анҳо)нинг ҳузурига кириб, бу ҳақда сўради. Умм Салама: «Субайъа ал-Асламия эри вафотидан ярим ой ўтиб туғди. Уни икки киши — бири ёш, бири кекса — сўраб келди. У ёш йигитга мойил бўлди. Кекса киши: ‹Сен ҳали ҳалол бўлмагансан›, деди — аёлнинг аҳли йўқда эди, у аҳли келганда уни ўзига (турмушга) беришларидан умидвор эди. Шунда аёл Расулуллоҳ ﷺ нинг олдига келди, у зот: ‹Сен ҳалол бўлдинг, хоҳлаган кишингга турмушга чиқ›, дедилар», деди.