Molik menga Nofeʼdan, u Safiyya bint Abu Ubayddan rivoyat qilishicha, u (Safiyya) unga xabar berdiki, Umar ibn al-Xattob: «Ayrim kishilarga nima boʻlyaptiki, oʻz choʻrilariga yaqinlik qiladilar, soʻng ularni (talab qilmay) chiqib ketishlariga qoʻyib beradilar? Menga qaysi bir choʻri kelsa-yu, uning xoʻjayini unga yaqinlik qilganini eʼtirof etsa, men albatta uning bolasini oʻshanga qoʻshaman. Shundan keyin xohlasangiz ularni qoʻyib yuboringlar, xohlasangiz ushlab qolinglar», dedi. Yahyo aytdi: Men Molikning shunday deganini eshitdim: «Bizning oldimizda ummul-valad (xoʻjayinidan bola koʻrgan choʻri) bir jinoyat qilsa, uning xoʻjayini uning (jinoyati miqdori) bilan qiymati oʻrtasidagi (kamrogʻini) toʻlaydi. Uning oʻzini (jabrlanganga) topshirishga haqqi yoʻq, uning jinoyati uchun qiymatidan koʻprogʻini koʻtarish ham uning zimmasiga yuklanmaydi».Молик менга Нофеъдан, у Сафийя бинт Абу Убайддан ривоят қилишича, у (Сафийя) унга хабар бердики, Умар ибн ал-Хаттоб: «Айрим кишиларга нима бўляптики, ўз чўриларига яқинлик қиладилар, сўнг уларни (талаб қилмай) чиқиб кетишларига қўйиб берадилар? Менга қайси бир чўри келса-ю, унинг хўжайини унга яқинлик қилганини эътироф этса, мен албатта унинг боласини ўшанга қўшаман. Шундан кейин хоҳласангиз уларни қўйиб юборинглар, хоҳласангиз ушлаб қолинглар», деди. Яҳё айтди: Мен Моликнинг шундай деганини эшитдим: «Бизнинг олдимизда уммул-валад (хўжайинидан бола кўрган чўри) бир жиноят қилса, унинг хўжайини унинг (жинояти миқдори) билан қиймати ўртасидаги (камроғини) тўлайди. Унинг ўзини (жабрланганга) топширишга ҳаққи йўқ, унинг жинояти учун қийматидан кўпроғини кўтариш ҳам унинг зиммасига юкланмайди».