وَحَدَّثَنِي مَالِكٌ، عَنِ ابْنِ شِهَابٍ، عَنْ عُرْوَةَ بْنِ الزُّبَيْرِ، عَنْ عَائِشَةَ، زَوْجِ النَّبِيِّ صلى الله عليه وسلم أَنَّهَا قَالَتْ إِنَّ أَبَا بَكْرٍ الصِّدِّيقَ كَانَ نَحَلَهَا جَادَّ عِشْرِينَ وَسْقًا مِنْ مَالِهِ بِالْغَابَةِ فَلَمَّا حَضَرَتْهُ الْوَفَاةُ قَالَ وَاللَّهِ يَا بُنَيَّةُ مَا مِنَ النَّاسِ أَحَدٌ أَحَبُّ إِلَىَّ غِنًى بَعْدِي مِنْكِ وَلاَ أَعَزُّ عَلَىَّ فَقْرًا بَعْدِي مِنْكِ وَإِنِّي كُنْتُ نَحَلْتُكِ جَادَّ عِشْرِينَ وَسْقًا فَلَوْ كُنْتِ جَدَدْتِيهِ وَاحْتَزْتِيهِ كَانَ لَكِ وَإِنَّمَا هُوَ الْيَوْمَ مَالُ وَارِثٍ وَإِنَّمَا هُمَا أَخَوَاكِ وَأُخْتَاكِ فَاقْتَسِمُوهُ عَلَى كِتَابِ اللَّهِ . قَالَتْ عَائِشَةُ فَقُلْتُ يَا أَبَتِ وَاللَّهِ لَوْ كَانَ كَذَا وَكَذَا لَتَرَكْتُهُ إِنَّمَا هِيَ أَسْمَاءُ فَمَنِ الأُخْرَى فَقَالَ أَبُو بَكْرٍ ذُو بَطْنِ بِنْتِ خَارِجَةَ . أُرَاهَا جَارِيَةً .
Molik menga Ibn Shihobdan, u Urva ibn az-Zubayrdan, u Nabiy ﷺning zavjalari Oisha (roziyallohu anho)dan rivoyat qilishicha, u shunday dedi: Abu Bakr as-Siddiq unga oʻzining Gʻoba (deb nomlangan joy)dagi molidan hosili yigirma vasq (boʻladigan xurmozor)ni inʼom qilgan edi. Uning vafoti yaqinlashganda u: «Allohga qasam, ey qizginam, mendan keyin men uchun boy (yashashi) sendan koʻra sevimliroq boʻlgan kishi yoʻq, mendan keyin men uchun kambagʻal (qolishi) sendan koʻra ogʻirroq boʻlgan kishi ham yoʻq. Men senga hosili yigirma vasq (boʻladigan xurmozor)ni inʼom qilgan edim. Agar sen uni uzib olib, egallab olganingda, u seniki boʻlardi. Ammo bugun u — vorislarning moli. Ular esa ikki ogʻa-ining va ikki opa-singling. Bas, uni Allohning Kitobi (hukmi) boʻyicha taqsim qilib olinglar», dedi. Oisha aytdi: Men: «Ey otajon, Allohga qasam, u yana shuncha va shuncha boʻlganda ham, men uni tark qilardim. (Opa-singillarim) faqat Asmo bor. Boshqasi kim?» dedim. Abu Bakr: «Xorija qizining qornidagi (homila). Menimcha, u qiz bola boʻlsa kerak», dedi.Молик менга Ибн Шиҳобдан, у Урва ибн аз-Зубайрдан, у Набий ﷺнинг завжалари Оиша (розияллоҳу анҳо)дан ривоят қилишича, у шундай деди: Абу Бакр ас-Сиддиқ унга ўзининг Ғоба (деб номланган жой)даги молидан ҳосили йигирма васқ (бўладиган хурмозор)ни инъом қилган эди. Унинг вафоти яқинлашганда у: «Аллоҳга қасам, эй қизгинам, мендан кейин мен учун бой (яшаши) сендан кўра севимлироқ бўлган киши йўқ, мендан кейин мен учун камбағал (қолиши) сендан кўра оғирроқ бўлган киши ҳам йўқ. Мен сенга ҳосили йигирма васқ (бўладиган хурмозор)ни инъом қилган эдим. Агар сен уни узиб олиб, эгаллаб олганингда, у сеники бўларди. Аммо бугун у — ворисларнинг моли. Улар эса икки оға-ининг ва икки опа-синглинг. Бас, уни Аллоҳнинг Китоби (ҳукми) бўйича тақсим қилиб олинглар», деди. Оиша айтди: Мен: «Эй отажон, Аллоҳга қасам, у яна шунча ва шунча бўлганда ҳам, мен уни тарк қилардим. (Опа-сингилларим) фақат Асмо бор. Бошқаси ким?» дедим. Абу Бакр: «Хорижа қизининг қорнидаги (ҳомила). Менимча, у қиз бола бўлса керак», деди.