Abu Qatoda (roziyallohu anhu)dan rivoyat qilinadi: Biz Rasululloh ﷺ bilan birga edik. Shunda qavmdan baʼzilari: «Yo Rasululloh, bizga bir oz dam olib ketsangiz edi», deyishdi. U zot: «Uyquga ketib, namozdan mahrum boʻlishingizdan qoʻrqaman», dedilar. Bilol: «Men sizni uygʻotib turaman», dedi. Shunda ular yonboshlab uxlab qolishdi, Bilol ham orqasini ulovga suyab oldi. Rasululloh ﷺ quyoshning bir chekkasi koʻtarilganda uygʻonib: «Ey Bilol, aytganing qani?» dedilar. U: «Umrimda bunday uyquni boshimdan kechirmagan edim», dedi. Rasululloh ﷺ: «Aziz va Jalil boʻlgan Alloh jonlaringizni Oʻzi xohlaganda oldi va xohlaganda qaytardi. Ey Bilol, tur, odamlarga namozdan xabar ber», dedilar. Bilol turib azon aytdi, ular taharat qildilar — yaʼni quyosh koʻtarilganda — soʻng u zot turib, ularga namoz oʻqib berdilar.Абу Қатода (розияллоҳу анҳу)дан ривоят қилинади: Биз Расулуллоҳ ﷺ билан бирга эдик. Шунда қавмдан баъзилари: «Ё Расулуллоҳ, бизга бир оз дам олиб кетсангиз эди», дейишди. У зот: «Уйқуга кетиб, намоздан маҳрум бўлишингиздан қўрқаман», дедилар. Билол: «Мен сизни уйғотиб тураман», деди. Шунда улар ёнбошлаб ухлаб қолишди, Билол ҳам орқасини уловга суяб олди. Расулуллоҳ ﷺ қуёшнинг бир чеккаси кўтарилганда уйғониб: «Эй Билол, айтганинг қани?» дедилар. У: «Умримда бундай уйқуни бошимдан кечирмаган эдим», деди. Расулуллоҳ ﷺ: «Азиз ва Жалил бўлган Аллоҳ жонларингизни Ўзи хоҳлаганда олди ва хоҳлаганда қайтарди. Эй Билол, тур, одамларга намоздан хабар бер», дедилар. Билол туриб азон айтди, улар таҳарат қилдилар — яъни қуёш кўтарилганда — сўнг у зот туриб, уларга намоз ўқиб бердилар.