Ibn Masʼud (roziyallohu anhu)dan rivoyat qilinadi: Rasululloh ﷺ bir namoz oʻqidilar-da, unda rakaatni ortiq yoki kam qildilar. Salom berganlarida biz: «Ey Allohning Nabiysi, namozda biror yangilik boʻldimi?» dedik. U zot: «Nima boʻldi?» dedilar. Biz u zotga qilgan ishlarini aytdik. Shunda u zot oyoqlarini bukib, qiblaga yuzlandilar-da, sahv sajdasini qildilar, soʻng bizga yuzlanib: «Agar namozda biror yangilik boʻlganida, albatta sizlarga xabar bergan boʻlardim», dedilar. Soʻng: «Men ham bir insonman, sizlar unutganingizdek men ham unutaman. Qaysingiz namozida biror narsada shubhaga tushsa, toʻgʻri deb bilganini izlab topsin, soʻng salom bersin, soʻng sahv sajdasini qilsin», dedilar.Ибн Масъуд (розияллоҳу анҳу)дан ривоят қилинади: Расулуллоҳ ﷺ бир намоз ўқидилар-да, унда ракаатни ортиқ ёки кам қилдилар. Салом берганларида биз: «Эй Аллоҳнинг Набийси, намозда бирор янгилик бўлдими?» дедик. У зот: «Нима бўлди?» дедилар. Биз у зотга қилган ишларини айтдик. Шунда у зот оёқларини букиб, қиблага юзландилар-да, саҳв саждасини қилдилар, сўнг бизга юзланиб: «Агар намозда бирор янгилик бўлганида, албатта сизларга хабар берган бўлардим», дедилар. Сўнг: «Мен ҳам бир инсонман, сизлар унутганингиздек мен ҳам унутаман. Қайсингиз намозида бирор нарсада шубҳага тушса, тўғри деб билганини излаб топсин, сўнг салом берсин, сўнг саҳв саждасини қилсин», дедилар.