Ibn Masʼud (roziyallohu anhu)dan rivoyat qilinadi: Rasululloh ﷺ peshin namozini oʻqidilar, soʻng ularga yuzlandilar. Ular: «Namozda biror yangilik boʻldimi?» deyishdi. U zot: «Nima boʻldi?» dedilar. Ular u zotga qilgan ishlarini xabar qilishdi. Shunda u zot oyoqlarini bukib, qiblaga yuzlandilar-da, ikki sajda qildilar, soʻng salom berdilar, keyin ularga yuzlanib: «Men ham bir insonman, sizlar unutganingizdek men ham unutaman. Bas, unutsam, menga eslatinglar», dedilar. Yana: «Agar namozda biror yangilik boʻlganida, sizlarga xabar bergan boʻlardim», dedilar. Yana: «Biringiz namozida shubhaga tushsa, toʻgʻriga eng yaqinini izlab topsin, soʻng shu ustiga namozni tugatsin, soʻng ikki sajda qilsin», dedilar.Ибн Масъуд (розияллоҳу анҳу)дан ривоят қилинади: Расулуллоҳ ﷺ пешин намозини ўқидилар, сўнг уларга юзландилар. Улар: «Намозда бирор янгилик бўлдими?» дейишди. У зот: «Нима бўлди?» дедилар. Улар у зотга қилган ишларини хабар қилишди. Шунда у зот оёқларини букиб, қиблага юзландилар-да, икки сажда қилдилар, сўнг салом бердилар, кейин уларга юзланиб: «Мен ҳам бир инсонман, сизлар унутганингиздек мен ҳам унутаман. Бас, унутсам, менга эслатинглар», дедилар. Яна: «Агар намозда бирор янгилик бўлганида, сизларга хабар берган бўлардим», дедилар. Яна: «Бирингиз намозида шубҳага тушса, тўғрига энг яқинини излаб топсин, сўнг шу устига намозни тугатсин, сўнг икки сажда қилсин», дедилар.