Anas ibn Molik (roziyallohu anhu)dan rivoyat qilinadi: Men Rasululloh ﷺ bilan oʻtirgan edim, bir kishi tik turib namoz oʻqiyotgan edi. U rukuʼ va sajda qilib, tashahhud aytgach, duo qildi va duosida: «Allohumma inni asʼaluka bi-anna lakal-hamd, la ilaha illa antal-Mannon, badius-samovoti val-arz, yo Zal-jalali val-ikrom, yo Hayyu yo Qayyum, inni asʼaluka», dedi. Shunda Nabiy ﷺ sahobalariga: «U nima bilan duo qilganini bilasizlarmi?» dedilar. Ular: «Alloh va Uning Rasuli bilguvchiroq», deyishdi. U zot: «Jonim qoʻlida boʻlgan Zot bilan qasamki, u Allohga Uning ulugʻ ismi bilan duo qildi. Shu ism bilan duo qilinsa, U ijobat qiladi, u bilan soʻralsa, U ato etadi», dedilar.Анас ибн Молик (розияллоҳу анҳу)дан ривоят қилинади: Мен Расулуллоҳ ﷺ билан ўтирган эдим, бир киши тик туриб намоз ўқиётган эди. У рукуъ ва сажда қилиб, ташаҳҳуд айтгач, дуо қилди ва дуосида: «Аллоҳумма инни асъалука би-анна лакал-ҳамд, ла илаҳа илла антал-Маннон, бадиус-самовоти вал-арз, ё Зал-жалали вал-икром, ё Ҳайю ё Қайюм, инни асъалука», деди. Шунда Набий ﷺ саҳобаларига: «У нима билан дуо қилганини биласизларми?» дедилар. Улар: «Аллоҳ ва Унинг Расули билгувчироқ», дейишди. У зот: «Жоним қўлида бўлган Зот билан қасамки, у Аллоҳга Унинг улуғ исми билан дуо қилди. Шу исм билан дуо қилинса, У ижобат қилади, у билан сўралса, У ато этади», дедилар.