Anas ibn Molik (roziyallohu anhu)dan rivoyat qilinadi: Biz juma kuni masjidda edik va Rasululloh ﷺ odamlarga xutba qilayotgan edilar. Shunda bir kishi turib: «Yo Rasululloh, yoʻllar uzildi, mol-mulk halok boʻldi, yurtlar qurgʻoqchilikka uchradi. Bizga yomgʻir yogʻdirishini Allohdan soʻrab duo qiling», dedi. Rasululloh ﷺ qoʻllarini yuzlari roʻparasiga koʻtardilar va: «Allohim, bizga yomgʻir yogʻdirgin», dedilar. Allohga qasamki, Rasululloh ﷺ minbardan tushmaslaridanoq bizga moʻl yomgʻir yogʻdi va oʻsha kundan keyingi jumagacha yomgʻir yogʻdi. Soʻng bir kishi turdi — bilmadim, u Rasululloh ﷺga «Bizga yomgʻir soʻrang» degan kishimidi yoki yoʻqmi — va: «Yo Rasululloh, suvning koʻpligidan yoʻllar uzildi, mol-mulk halok boʻldi. Bizdan suvni toʻxtatishini Allohdan soʻrab duo qiling», dedi. Shunda Rasululloh ﷺ: «Allohim, atrofimizga (yogʻdir), ustimizga emas, balki togʻlarga va daraxtlar oʻsadigan joylarga», dedilar. Allohga qasamki, Rasululloh ﷺ shuni aytishlari bilanoq bulut tarqab ketdi, hatto undan hech narsa koʻrmadik.Анас ибн Молик (розияллоҳу анҳу)дан ривоят қилинади: Биз жума куни масжидда эдик ва Расулуллоҳ ﷺ одамларга хутба қилаётган эдилар. Шунда бир киши туриб: «Ё Расулуллоҳ, йўллар узилди, мол-мулк ҳалок бўлди, юртлар қурғоқчиликка учради. Бизга ёмғир ёғдиришини Аллоҳдан сўраб дуо қилинг», деди. Расулуллоҳ ﷺ қўлларини юзлари рўпарасига кўтардилар ва: «Аллоҳим, бизга ёмғир ёғдиргин», дедилар. Аллоҳга қасамки, Расулуллоҳ ﷺ минбардан тушмаслариданоқ бизга мўл ёмғир ёғди ва ўша кундан кейинги жумагача ёмғир ёғди. Сўнг бир киши турди — билмадим, у Расулуллоҳ ﷺга «Бизга ёмғир сўранг» деган кишимиди ёки йўқми — ва: «Ё Расулуллоҳ, сувнинг кўплигидан йўллар узилди, мол-мулк ҳалок бўлди. Биздан сувни тўхтатишини Аллоҳдан сўраб дуо қилинг», деди. Шунда Расулуллоҳ ﷺ: «Аллоҳим, атрофимизга (ёғдир), устимизга эмас, балки тоғларга ва дарахтлар ўсадиган жойларга», дедилар. Аллоҳга қасамки, Расулуллоҳ ﷺ шуни айтишлари биланоқ булут тарқаб кетди, ҳатто ундан ҳеч нарса кўрмадик.