Abu Hurayra (roziyallohu anhu)dan rivoyat qilinadi: U zot Rasululloh ﷺ bilan Najd gʻazoti yili xavf namozini oʻqigan edilar. Rasululloh ﷺ asr namoziga turdilar, bir toifa u zot bilan birga turdi, boshqa bir toifa esa dushmanga roʻbaroʻ, orqalari qiblaga qaratilgan holda turdi. Rasululloh ﷺ takbir aytdilar, u zot bilan birga boʻlganlar ham, dushmanga roʻbaroʻ turganlar ham hammalari takbir aytishdi. Soʻng Rasululloh ﷺ bir marta rukuʼ qildilar, u zotga yaqin turgan toifa ham u zot bilan birga rukuʼ qildi. Soʻng u zot sajda qildilar, u zotga yaqin turgan toifa ham sajda qildi, boshqalari esa dushmanga roʻbaroʻ tik turishar edi. Soʻng Rasululloh ﷺ turdilar, u zot bilan birga boʻlgan toifa ham turdi va dushmanga qarab bordilar, ularga roʻbaroʻ turdilar. Dushmanga roʻbaroʻ turgan toifa esa keldi va rukuʼ hamda sajda qildi, Rasululloh ﷺ esa oldingicha tik turgan edilar. Soʻng ular turdi, Rasululloh ﷺ yana bir rakaat rukuʼ qildilar, ular ham u zot bilan birga rukuʼ qildi, u zot sajda qildilar, ular ham u zot bilan birga sajda qildi. Soʻng dushmanga roʻbaroʻ turgan toifa keldi va rukuʼ hamda sajda qildi, Rasululloh ﷺ va u zot bilan birga boʻlganlar esa oʻtirgan edilar. Soʻng salom vaqti boʻldi, Rasululloh ﷺ salom berdilar, ularning hammasi ham salom berishdi. Shunday qilib, Rasululloh ﷺ uchun ikki rakaat, ikki toifadagi har bir kishi uchun esa ikki rakaatdan hisoblandi.Абу Ҳурайра (розияллоҳу анҳу)дан ривоят қилинади: У зот Расулуллоҳ ﷺ билан Нажд ғазоти йили хавф намозини ўқиган эдилар. Расулуллоҳ ﷺ аср намозига турдилар, бир тоифа у зот билан бирга турди, бошқа бир тоифа эса душманга рўбарў, орқалари қиблага қаратилган ҳолда турди. Расулуллоҳ ﷺ такбир айтдилар, у зот билан бирга бўлганлар ҳам, душманга рўбарў турганлар ҳам ҳаммалари такбир айтишди. Сўнг Расулуллоҳ ﷺ бир марта рукуъ қилдилар, у зотга яқин турган тоифа ҳам у зот билан бирга рукуъ қилди. Сўнг у зот сажда қилдилар, у зотга яқин турган тоифа ҳам сажда қилди, бошқалари эса душманга рўбарў тик туришар эди. Сўнг Расулуллоҳ ﷺ турдилар, у зот билан бирга бўлган тоифа ҳам турди ва душманга қараб бордилар, уларга рўбарў турдилар. Душманга рўбарў турган тоифа эса келди ва рукуъ ҳамда сажда қилди, Расулуллоҳ ﷺ эса олдингича тик турган эдилар. Сўнг улар турди, Расулуллоҳ ﷺ яна бир ракаат рукуъ қилдилар, улар ҳам у зот билан бирга рукуъ қилди, у зот сажда қилдилар, улар ҳам у зот билан бирга сажда қилди. Сўнг душманга рўбарў турган тоифа келди ва рукуъ ҳамда сажда қилди, Расулуллоҳ ﷺ ва у зот билан бирга бўлганлар эса ўтирган эдилар. Сўнг салом вақти бўлди, Расулуллоҳ ﷺ салом бердилар, уларнинг ҳаммаси ҳам салом беришди. Шундай қилиб, Расулуллоҳ ﷺ учун икки ракаат, икки тоифадаги ҳар бир киши учун эса икки ракаатдан ҳисобланди.