Jobir (roziyallohu anhumo)dan rivoyat qilinadi: Biz Rasululloh ﷺ bilan birga xavf namozida hozir boʻldik. Biz u zotning orqalarida ikki saf boʻlib turdik, dushman esa biz bilan qibla oraligʻida edi. Rasululloh ﷺ takbir aytdilar, biz ham takbir aytdik, u zot rukuʼ qildilar, biz ham rukuʼ qildik, u zot bosh koʻtardilar, biz ham bosh koʻtardik. U zot sajdaga engashganlarida, Rasululloh ﷺ va u zotga yaqin turgan saf sajda qildi, Rasululloh ﷺ bosh koʻtarganlarida esa ikkinchi saf tik turdi. Soʻng Rasululloh ﷺ va u zotga yaqin saf bosh koʻtarganlarida, ikkinchi saf oʻz joylarida sajda qildi. Soʻng Nabiy ﷺ ga yaqin turgan saf orqaga chekindi, boshqa saf oldinga oʻtib, ularning oʻrniga turdi, bular esa anavilarning oʻrniga tik turishdi. Nabiy ﷺ rukuʼ qildilar, biz ham rukuʼ qildik, soʻng u zot bosh koʻtardilar, biz ham bosh koʻtardik. U zot sajdaga engashganlarida, u zotga yaqin turganlar sajda qildi, boshqalari esa tik turdi. Rasululloh ﷺ va u zotga yaqin turganlar bosh koʻtarganlarida, boshqalari sajda qildi. Soʻng salom berdilar.Жобир (розияллоҳу анҳумо)дан ривоят қилинади: Биз Расулуллоҳ ﷺ билан бирга хавф намозида ҳозир бўлдик. Биз у зотнинг орқаларида икки саф бўлиб турдик, душман эса биз билан қибла оралиғида эди. Расулуллоҳ ﷺ такбир айтдилар, биз ҳам такбир айтдик, у зот рукуъ қилдилар, биз ҳам рукуъ қилдик, у зот бош кўтардилар, биз ҳам бош кўтардик. У зот саждага энгашганларида, Расулуллоҳ ﷺ ва у зотга яқин турган саф сажда қилди, Расулуллоҳ ﷺ бош кўтарганларида эса иккинчи саф тик турди. Сўнг Расулуллоҳ ﷺ ва у зотга яқин саф бош кўтарганларида, иккинчи саф ўз жойларида сажда қилди. Сўнг Набий ﷺ га яқин турган саф орқага чекинди, бошқа саф олдинга ўтиб, уларнинг ўрнига турди, булар эса анавиларнинг ўрнига тик туришди. Набий ﷺ рукуъ қилдилар, биз ҳам рукуъ қилдик, сўнг у зот бош кўтардилар, биз ҳам бош кўтардик. У зот саждага энгашганларида, у зотга яқин турганлар сажда қилди, бошқалари эса тик турди. Расулуллоҳ ﷺ ва у зотга яқин турганлар бош кўтарганларида, бошқалари сажда қилди. Сўнг салом бердилар.