Ibn Abbos (roziyallohu anhumo)dan rivoyat qilinadi: U oʻzining xolasi boʻlmish Ummul-moʻminin Maymuna (roziyallohu anho)nikida tunab qoldi va boʻyraning eni tomonida yotdi, Rasululloh ﷺ va ahllari esa uning uzunasiga yotdilar. Rasululloh ﷺ uxladilar, tun yarmiga yetganda yoki bir oz oldin yoxud bir oz keyin Rasululloh ﷺ uygʻonib oʻtirdilar va qoʻllari bilan yuzlaridan uyquni artdilar. Soʻng Ol-i Imron surasining oxirgi oʻn oyatini oʻqidilar. Keyin osilgan bir mesh (suv idishi) oldiga borib, undan taharat oldilar va taharatlarini goʻzal qildilar, soʻng turib namoz oʻqidilar. Abdulloh ibn Abbos aytdi: Men ham turib, u zot qilgandek qildim, soʻng borib yonlarida turdim. Shunda Rasululloh ﷺ oʻng qoʻllarini boshimga qoʻyib, oʻng qulogʻimdan ushlab burab qoʻydilar. U zot ikki rakaat, soʻng ikki rakaat, soʻng ikki rakaat, soʻng ikki rakaat, soʻng ikki rakaat, soʻng ikki rakaat oʻqidilar, keyin vitr oʻqidilar. Soʻng muazzin kelgunicha yonboshlab yotdilar, keyin ikki qisqa rakaat oʻqidilar.Ибн Аббос (розияллоҳу анҳумо)дан ривоят қилинади: У ўзининг холаси бўлмиш Уммул-мўминин Маймуна (розияллоҳу анҳо)никида тунаб қолди ва бўйранинг эни томонида ётди, Расулуллоҳ ﷺ ва аҳллари эса унинг узунасига ётдилар. Расулуллоҳ ﷺ ухладилар, тун ярмига етганда ёки бир оз олдин ёхуд бир оз кейин Расулуллоҳ ﷺ уйғониб ўтирдилар ва қўллари билан юзларидан уйқуни артдилар. Сўнг Ол-и Имрон сурасининг охирги ўн оятини ўқидилар. Кейин осилган бир меш (сув идиши) олдига бориб, ундан таҳарат олдилар ва таҳаратларини гўзал қилдилар, сўнг туриб намоз ўқидилар. Абдуллоҳ ибн Аббос айтди: Мен ҳам туриб, у зот қилгандек қилдим, сўнг бориб ёнларида турдим. Шунда Расулуллоҳ ﷺ ўнг қўлларини бошимга қўйиб, ўнг қулоғимдан ушлаб бураб қўйдилар. У зот икки ракаат, сўнг икки ракаат, сўнг икки ракаат, сўнг икки ракаат, сўнг икки ракаат, сўнг икки ракаат ўқидилар, кейин витр ўқидилар. Сўнг муаззин келгунича ёнбошлаб ётдилар, кейин икки қисқа ракаат ўқидилар.